Syrtqy aýmaǵy 3 myń adamǵa arnalǵan ǵıbadat ornynyń qurylysy zaman talabyna saı ozyq úlgide júrgizilýde. Meshitte musylmandyq joralardy jasaıtyn oryndar, kongress-holl, neke saraıy, 180 oryndyq medrese, kitaphana, ashana bar, sporttyq alańdar, 500 oryndyq avtoturaq pen ǵajaıyp sýburqaqtar salynady.
Byltyr irgetasy qalanǵan eńseli meshit – kórshi О́zbekstan memleketiniń Túrkistanǵa tartýy. Oblys basshysy О́mirzaq Shókeev qalaǵa kireberiste salynyp jatqan meshit qurylysynyń basynda boldy. Sáýleti erekshe Islam ortalyǵynyń ishki jáne syrtqy bezendirilýi shyǵystyq naqyshta júrgizilmek. Biregeı jobaǵa О́zbekstan Respýblıkasynyń Prezıdenti Shavkat Mırzııoev qoldaý kórsetip otyr.
Sondaı-aq oblys ákimi qurylysy aıaqtalýǵa jaqyn birneshe nysanda boldy. Ishki árleý, ınjenerlik jelilerin montajdaý jáne syrtqy abattandyrý jumystary júrgizilip jatqan ol nysandarda qurylysshylar eki aýysymda eńbek etýde.
