О́ńirlik kommýnıkasııalar qyzmetinde ótken brıfıngte oblystyń bas sanıtar-dárigeri Nurbek Nyshanov jumys isteýine ruqsat berilgen mekemelerge keńinen toqtaldy. «Kúsheıtilgen sanıtarııalyq dezınfeksııalaý rejımin saqtaı otyryp, myna mekemeler óz jumysyn bastady: SPA ortalyqtar, monsha, basseınder, jaǵajaılar, halyqqa arnalǵan sport keshenderi, fıtnes ortalyqtar, sanatorıı-kýrorttyq mekemeler, demalys úıleri, kórermensiz mádenıet jáne sport mekemeleri, temirjol vokzaly men avtovokzaldar, avtostansııalar, halyqqa qyzmet kórsetý jáne jumyspen qamtý ortalyqtary, ulttyq kompanııalar. Áleýmettik qashyqtyq pen maskalyq rejımdi saqtaı otyryp saıabaqtarda, alańdar men skverlerde, jaǵalaýlarda serýendeýge ruqsat berildi. Sondaı-aq, sanıtarlyq-dezınfeksııalyq rejımdi saqtaı otyryp, dinı nysandar da ǵımaratty 30%-ǵa deıin ǵana toltyryp óz jumysyn bastaı alady», dedi Nurbek Sadyqbekuly.
Mekemeniń shtat kestesinde 30-dan astam qyzmetker bolǵan jaǵdaıda jumysshylarynyń keminde 50 paıyzy qashyqtan jumys isteý rejıminde qalady. О́z jumysyn qaıta bastaǵan nysandarda sanıtarlyq-dezınfeksııalyq jáne sanıtarlyq-karantındik is-sharalardyń saqtalýyna monıtorıng júrgizý jalǵasady. Oblys aýmaǵynda maska kııý rejımi saqtalady.
