Oblys ákimi О́mirzaq Shókeev seristestik tirshiligimen tanysyp, jas mamandarmen júzege asyrylyp jatqan jumystardy oń baǵalady. «Túrkistannyń aınalasyna kanaldar qazylyp, sý keldi. Jańbyrlatyp sýarýdyń tıimdiligin túsingen sharýalardyń qatary kóbeıgeni qýantady. Aptap ystyqta yrysyn qara jerden izdegen sharýalar mezgili jetkende beınetiniń zeınetin kóredi. Osylaısha biz qalada «Azyq-túlik beldeýin» qalyptastyramyz. Jappaı júrgizilgen «Jasyl beldeý» shańdy jel men daýyldan qorǵaný úshin tabıǵı tosqaýyl retinde jasalýda. Jasyl jelekke bólenip, qaladaǵy aýany tazartyp, klımatty jumsartady», dedi sharýalarmen kezdesken oblys ákimi.
Al «SPK-SAURAN» AShО́K jańbyrlatyp sýarý tehnologııasyn 650 ga jerge endirip, 10 myń basqa arnalǵan bordaqylaý alańyn salýdy qolǵa alǵan. Oblystyq aýyl sharýashylyǵy basqarmasynyń málimetinshe, jergilikti sharýalar aqyldasa kele, aýyl sharýashylyǵy kooperatıvin qurýda. Olar aryq qazyp, sý ákelýdiń tıimsiz ekenin túsinip, AQSh-tan jańbyrlatyp sýarý qondyrǵysyn aldyrtyp jatyr. Arys – Túrkistan kanaly arqyly sý birneshe júıemen keledi. Úlken basseın salynyp, qondyrǵylarǵa qubyr arqyly sý quıylyp turady. Osylaısha agronomdar sýdy 3 ese únemdeıdi. Tehnıka qunynyń 50%-yn memleket sýbsıdııa retinde tólep beredi. Keshendi jospar boıynsha qala mańynda 63 mlrd teńgeniń 7 iri ınvestısııalyq jobasy júzege asyrylady.
Túrkistan oblysy
