Aımaqtar • 04 Maýsym, 2020

Túrkistan 32 sektorǵa bólindi

490 ret

kórsetildi

1 mın

oqý úshin

Túrkistan qalasynda qyzý júrip jatqan kórkeıtý jáne abattandyrý jumystarynyń barysyn baqylaǵan oblys ákimi О́mirzaq Shókeev turǵyndarǵa qorshaǵan ortany qorǵaýdy, qaladaǵy tazalyqty saqtaýdy nasıhattaýdy mindettedi. О́kinishke qaraı, qalada tazalyq saqtaý mádenıeti ázirge syn kótermeı tur.

Ǵalymjan ELShIBAI

Kórkeıtý jáne abattandyrý maqsatynda qala 32 sektorǵa bólingen. Ár sektorǵa aýdan, qala ákimdikteri men basqarma basshylary tikeleı jaýapty. Qala aýmaǵynda aǵashtar otyrǵyzylyp, abattandyrylýda. Kóshelerde jaryq shamdar, qoqys jáshikteri men turǵyndardyń demalýyna arnalǵan oryndyqtar ornatylǵan. Keshendi jumys barysyn baqylaǵan oblys ákimi jaýaptylarǵa birqatar tapsyrmalar berdi. Is-sharanyń oryndalýyn qatań baqylaýǵa alý jáne jumystardy turaqty túrde jalǵastyrý tapsyryldy.

987897

Qalada demalys oryndary men kóshelerdiń boıyna sýburqaqtar ornatylyp, jańadan aıaldamalar qoıylǵan. Oblys ortalyǵymen birge qalyptasyp, birge boı kótergen «jasyl beldeýdi» aralaǵan О́mirzaq Estaıuly egilgen kóshetterdiń sýarylýyna asa mán berýdi mindettedi. Túrkistannyń tabıǵı tynysyna aınalǵan qalany qorshaǵan jasyl aýmaqta búginde mıllıonnan astam kópjyldyq aǵash kóshetteri jaıqalyp ósip tur. Terek, qaıyń, qaraǵash, shaǵan, arsha, úıeńki aǵashtaryn otyrǵyzý bıyl da jalǵasyn tabady.

Túrkistan oblysy