Aımaqtar • 04 Maýsym, 2020

Talasta jel elektr stansııasy iske qosylady

194 ret

kórsetildi

1 mın

oqý úshin

Aǵymdaǵy jyly Jambyl oblysynyń Talas aýdanynda 77 joba júzege asady. Bul maqsatqa 5,6 mıllıard teńgeden astam qarjy bólingen. Sonymen qatar, aýdanda «Wind Power City» jaýapkershiligi shekteýli seriktestiginiń jel elektr stansııasynda osy jobalar aıasynda 1,8 mıllıard teńgeniń ınvestısııalary tartylǵan. Qazirdiń ózinde munda jalpy qýattylyǵy saǵatyna 9 MVt-ty quraıtyn 7 jel generatory salynǵan. Investorlardyń aıtýynsha, stansııa tamyz aıynyń basynda jumys isteı bastaıdy. Sondaı-aq, jobanyń ekinshi kezeńinde jel qozǵaltqyshtarynyń sany 9-ǵa artady.

Hamıt ESAMAN

Talasta jel elektr stansııasy iske qosylady

Talas aýdanyna arnaıy barǵan Jambyl oblysynyń ákimi Berdibek Saparbaev oblys balamaly energetıka salasynda aıtarlyqtaı áleýetke ıe ekenin, aımaqtyń klımattyq jaǵdaılaryn múmkindiginshe tıimdi paıdalaný qajettigin atap ótti. «Jańartylatyn energııa kózderi jobalarynyń kómegimen kóptegen eldimekenderdi elektr qýatymen qamtamasyz etip qana qoımaı, ekologııamyzdy saqtaýǵa bolady», -dedi Berdibek Saparbaev.

Sondaı-aq, aýdan ortalyǵy Qarataý qalasyndaǵy «Kóktal» sýmen jabdyqtaý júıesiniń, aýdan ortalyǵynyń ortalyq qazandyǵyna sý berý qosalqy jelisiniń jáne jańa tazartý qondyrǵylarynyń qurylys barysymen de tanysty. Jalpy, aýdan aýyldaryn taza aýyz sýmen qamtamasyz etýge 1,1 mıllıard teńgeden astam qarajat bólingen. Aýy sý júıesi bıyl Qarataý qalasy men Maıtóbe aýylyna júrgiziledi. Al, Bostandyq jáne Tamabek aýyldaryndaǵy aýyz sý júıesi aǵymdaǵy jóndeýden ótetin bolady.

Jambyl oblysy