Shymkent qalalyq ardagerler keńesiniń tóraǵasy Isamýdın Rysbaı bastaǵan, Dosybaı Sherimqulov, О́stemir Bıtóreev, Ábdijappar Ońalbaev syndy esimderi elge belgili azamattar uıytqy bolyp, aǵa býyn jınaǵan bir jarym mıllıon teńgeni arnaıy qorǵa aýdardy. Aýdandaǵy qazirgi jaǵdaıǵa qanyqty.
Elimizdegi qandaı da bir qıyndyq, ol birligimizdi nyǵaıtady, baýyrmal el ekenimizdi kórsetedi, deıdi ardagerler.
«Úshinshi megapolıstiń tórt aýdanynda mekendeıtin jáne esepte turatyn 80 myńnan astam zeınetker eldegi jańalyqtar men ózgeristerdiń barysyn únemi qadaǵalap otyrady. Bul saparymyzda buqara halyqtyń jaǵdaıymen tanysyp, ondaǵy sharýany baǵamdap, qolymyzdan kelgeninshe kómektesý mindeti turdy. Aýyl turǵyndarymen kezdesip, oı bólistik, aqsaqaldyq aqyl - keńesimizdi aıttyq», deıdi qalalyq ardagerler keńesiniń tóraǵasy. Al kezinde uzaq jyldar «Maqtaaral» keńsharyn basqarǵan Ábdijappar Ońalbaev sý basqan egistik alqaptardy qalpyna keltirý jumystaryn júıeli júrgizýge yqpal etetin gıdrotehnık-sý mamandaryn, agronom, aýyl sharýashylyǵy ınjenerlerin kóptep tartý qajet dep esepteıdi. «Júreginde ımany bar kez kelgen adam Alla aldyndaǵy qasıetti paryzdyń biri qaıyrymdylyq dep biledi. Maqtaaralǵa saparymyzda, biz árıne, eń aldymen qıyndyqqa tap bolǵan jandarǵa jaqsylyq jasaýdy basty maqsat ettik. Bul bizdiń óńir halqynyń basyna túsken aýyr náýbet, úlken syn, al, synaqty jeńe bilý – barshamyzdyń mindetimiz hám paryzymyz», - deıdi Ábdijappar aqsaqal.
Túrkistan oblysy
