Tártip saqshylary turǵynnyń úıin tintý kezinde onyń úıi men saraıynyń ishinen esirtki zatyna uqsas ózine tán hosh ıisi bar, ósirýge tyıym salynǵan, kútip-baptalǵan ósimdikter tapty. Kúdikke ilingen Shardara aýdanynyń turǵyny buryn sotty bolǵan eken. Onyń úıinen bes túp esirtki ósimdigine uqsas ósimdik, sondaı-aq bólmeden marıhýanaǵa uqsas keptirilmegen ósimdik tárkilendi. Oǵan qosa eki lıtrli 24 dana shyny bankide esirtki zatyna uqsas zattar jáne úı ishinde ósiriletin ósimdikterdi kútip-baptaýǵa arnalǵan úsh dana qurylǵylar alyndy.
Júrgizilgen saraptama nátıjesinde bes túp ósimdik «sora» ekeni anyqtalǵan. Salmaǵy 1,6 keliden asady. Al, bólmeden alynǵan ósimdik salmaǵy 16 grammnan astam «keptirilgen marıhýana» bolyp shyqty. Polısııa bóliminiń habarlaýynsha, atalǵan jaıt sotqa deıingi tergep-tekserýdiń biryńǵaı tizilimine QR Qylmystyq kodeksiniń 300-baby (quramynda esirtki zattary bar ósirýge tyıym salynǵan ósimdikterdi zańsyz ósirý) boıynsha tirkelgen. Qazirgi ýaqytta polısııa qyzmetkerleri istiń tolyq mán-jaıyn anyqtap, kúdikti óz úıinde esirtkini qandaı maqsatta ósirgenin anyqtaýda.
