«Aldaǵy ýaqytta 500-ge jýyq erikti qaladaǵy qoǵamdyq kólikterde tegin júredi. Oǵan qosa Shymkent qalasynyń úzdik eriktileri men uıymdary jyl qorytyndysynda arnaıy alǵys hattar jáne baǵaly syılyqtarmen marapattalady», – dedi basqarma basshysy.
Osy oraıda J.Tólembekuly atqarylyp jatqan jumystar jaıly tilge tıek etti.
«Eriktilermen birlese otyryp, «Birgemiz Sabaqtastyq» baǵytynda №4, №3 balalar úıiniń tárbıelenýshilerine «Tálimger jobasy» júzege asyrylýda. Bul rette statıstıkaǵa súıensek, máselen, bul jobaǵa 1700 adam qatyssa, onyń 125-i ǵana ótedi eken. Iаǵnı, kóbisi balalarmen tálimgerlik turǵysynda jumys isteýge daıyn emes degen sóz», – ol.
Baspasóz májilisinde «Izgilikke jarysaıyq» qaıyrymdylyq qorynyń menedjeri Muhtar Tashımov áleýmettik dúken jaıly áńgime órbitti. Spıkerdiń sózine súıensek, kómekke muqtaj otbasylarǵa kıim taratýdyń jańa formaty engizilgen.
«Kıimge muqtaj kisiler áleýmettik dúkenge kelip, sýpermarketten alyp jatqandaı kıine alady. Iаǵnı, bizdiń jospar – muqtajdyq atmosferasyn sanasynan shyǵarý. Osy maqsatpen 80 600 kıim taratyldy», – dedi Muqtar Smaǵululy.
Brıfıng sońynda BAQ ókilderi tarapynan qoıylǵan suraqtarǵa jan-jaqty jaýap berildi.
