Ekonomıka • 05 Maýsym, 2020

Qazaqstan kásipkerleriniń quqyqtaryn qorǵaıtyn ýákil Úkimetke usynystar joldady

85 ret kórsetildi

Búgin Qazaqstan kásipkerleriniń quqyqtaryn qorǵaý jónindegi ýákil Rústem  Júrsinov  ekonomıkalyq ósimdi qalpyna keltirý jónindegi memlekettik komıssııanyń birinshi otyrysyna beınekonferensııalyq baılanys arqyly qatysyp, bıznesti jaqsartýǵa yqpalyn tıgizetin 3 usynys engizdi. 

R.  Júrsinovtyń aıtýynsha, usynystar Úkimette qaralyp jatyr. Onyń alǵashqysy –  «aqyldy retteý». «Shyn máninde, bul esep berýdi jáne bızneske qoıylatyn talaptardy ońtaılandyrý, táýekelderdi basqarýdyń durys júıesin qurý boıynsha naqty reformalar júrgizý úshin «múmkindikter terezesi»  bolmaq. Jarty jyl ótti, ázirge nátıje joq. Dúnıejúzilik bankpen jasalǵan kelisim boıynsha osy tapsyrmanyń tek tehnıkalyq bóligin ázirleýdiń ózi 1 jyl ýaqytty talap etedi. Mundaı jumys úshin bir jyl merzim tym uzaq. Bul úderisti jedeldetip, reformanyń ózin iske asyrýdy aǵymdaǵy jyldyń sońyna deıin aıaqtaý qajet», deıdi Rústem Júrsinov.

Al ekinshi usynys –  shaǵyn bızneske salyq salýdy jetildirý. Qoldanystaǵy salyq salý júıesi shaǵyn bıznes sýbektileri úshin jáne ózin-ózi jumyspen qamtýshylar úshin tym kúrdeli jáne túsiniksiz.  Kásipker memleketke qansha qarjy tóleýi tıis ekenin naqty túsinetindeı júıe qajet, sondaı-aq kásipkerdiń jumsalatyn ýaqyty men kúsh-jigeri de únemdelýi tıis. «Salyq tóleý prosesi barynsha eleýsiz, kózge kórinbeıtindeı bolýy tıis. Tıisti servıstik platformany qurmaıynsha muny iske asyrý qıynǵa túspek.

Salyq demalysy usynylǵan ýaqytty paıdalanyp, ShOB úshin barlyq salyq rejımderin keshendi túrde qaıta jazyp shyǵý kerek. Bul rette basty nazar bıznestiń irilenýi men deńgeıiniń ósýine aýdarylýy tıis» deıdi ol ekinshi usynysy týraly oıyn qortyndylap. Al sońǵy úshinshi usynys – ekonomıkadaǵy memlekettiń úlesin tómendetý. Kommýnaldyq menshikte 5,6 myń memlekettik kásiporyn, AQ, JShS bar, onyń 85%-y áleýmettik salada.

800-den astam sýbekt nemese 15%-y áleýmettik emes kásipkerlik qyzmetpen aınalysady. «О́tken jyly UKP memlekettik organdarmen birlesip, memlekettiń kásipkerlik qyzmetke qatysýyn qysqartý jáne memlekettik shyǵyndardy ońtaılandyrý boıynsha úlken jumys júrgizdi. Monopolııaǵa qarsy organmen birlesip, 132 taýar naryǵyna júrgizilgen taldaý negizinde memlekettik kompanııalar úshin ruqsat etilgen qyzmet túrleriniń tizbesi 347-den 240-qa (30,8%) deıin qysqartyldy. Budan basqa jekeshelendiriletin nysandardyń tizbesin ózektendirý qorytyndysy boıynsha UEM-men birlesip, respýblıkalyq menshiktiń 35 nysanyn jekemenshikke berý jóninde usynystar ázirlendi» deıdi R. Júrsinov.

Sońǵy jańalyqtar

«Ýkaznoı molda»: Ol kim?

Rýhanııat • Keshe

Qylań

Tanym • Keshe

Veterınarlar qartaıyp barady

Qazaqstan • Keshe

Uqsas jańalyqtar