О́rgebas jáne Fırdoýsı aýyldaryndaǵy kezdesý barysynda oblys ákimi jaýapty qyzmetkerlerge apattan japa shekken turǵyndardyń ótemaqylaryn tezdetip tóleýdi, aýyldardy qalpyna keltirý jumystaryn jedeldetýdi júktedi. Qıraǵan úılerdi buzyp, qurylys materıaldaryn tasymaldaýǵa О́zbekstan eliniń Tótenshe jaǵdaılar jónindegi mınıstrligi tarapynan da kómek kúshi jumyldyrylǵan. О́rgebas aýylyndaǵy 197 úıdiń barlyǵy jańadan salynady. Búginde 20-ǵa jýyq úıdiń irgetasy qalanyp, qabyrǵasy kóterilgen. Sý shaıǵan aýyldardyń barlyǵynda ınfraqurylym tolyǵymen jańartylýda. О́rgebas jáne Fırdoýsı aýyldary turǵyndarynyń 70%-y jańa úı qurylysyna beriletin 17 mln teńge qarajattyń jartysyn, ıaǵnı 8,5 mıllıon teńgeni alǵan.
Fırdoýsı aýylynyń turǵyndary oblys ákimimen kezdesýde der kezinde qolǵa alynǵan sharalardyń oń nátıje bergenin aıtyp, alǵystaryn jetkizdi. Aýylda 320 turǵyn úı bolsa, onyń jartysynan astamyna úı turǵyzýǵa qajetti qarajat berilgen. Aýylda apattan zardap shekken baspanalar buzylyp, jańa úıler salynýda.
