2019 jyldyń jeltoqsan aıynan aǵymdaǵy jyldyń sáýirine deıingi qysqy oqý kezeńinde bólim komandırleriniń daıarlyǵy ótti. Shara barysynda bólimdi basqarý men urysta oq atýǵa erekshe nazar aýdaryldy. Kadet korpýsynyń bazasynda rota serjanttary biliktilikti arttyrý kýrstarynan ótti, al kadetter Qurlyq áskerlerinde áskerı taǵylymdamadan ótti. Olar bolashaq serjanttar retinde bólimdi basqarý, jaýyngerlik oq atý men jaýyngerlik tehnıkany júrgizýde mol tájirıbe jınaqtady.
Sonymen birge, engizilgen shekteýler men serjanttar quramynyń edáýir bóligin tótenshe jaǵdaılar rejımin qamtamasyz etý úshin jumyldyrylǵanyna baılanysty serjanttardy daıarlaýdyń jekelegen is-sharalary neǵurlym kesh merzimge aýystyryldy. Olardyń ishinde áskerı qyzmet qaýipsizdigin qamtamasyz etý boıynsha nusqaýshylardy daıarlaý kýrsy, rotalar, batalon serjanttarynyń kýrsy, Qurlyq áskerleri, Áýe qorǵanysy kúshteriniń avıasııalyq tehnıkalarynyń rota, vzvod, batalon komandırlik serjanttaryn daıarlaý.
Jazǵy kezeńde serjant korpýsynyń aldynda kadrlardy daıarlaý qyzmeti men júıesin jetildirý, sabaqtardy uıymdastyrý men ótkizýde serjanttardyń kásibıligin arttyrý, jeke quramnyń atys jáne dene shynyqtyrý daıarlyǵy boıynsha daǵdylaryn jaqsartý boıynsha mańyzdy mindetter tur. Armııa halyqaralyq oıyndary sheńberindegi «Álem jaýyngeri» halyqaralyq baıqaýyna, Qarýly Kúshterdegi úzdik serjant ataǵyna Búkilarmııalyq konkýrsqa, serjanttar keńesiniń otyrysyna qatysý kútilýde.
