Maýsymnyń 1-nen bastap elimizge 2020 jyldyń 1 aqpanyna deıin Armenııadaǵy ákelingen avtomobılder esepke alynyp jatyr.
Atyraý oblysy Polısııa departamenti Ákimshilik polısııa basqarmasynyń bastyǵy Myrzaly О́teǵalıevtyń aıtýynsha, kólikti tirkeý quny 11 946 teńgeni quraıdy. Onyń 695 teńgesi tirkeý úshin alym, tehnıkalyq tólqujat úshin – 3 773 teńge, memlekettik nómir úshin – 7 778 teńge tóleý kerek.
Esepke alynǵan kólikterge tek sary nómir beriledi, óıtkeni kólik Armenııanyń ýákiletti organdarynda esepte turǵandyqtan, tirkeý kezinde, Qazaqstanda olarǵa basqa Memlekette turaqty tirkelgen kólik quraldary úshin sary tústi nómirler beriledi. Aıta keterligi, oń jaq róldi kólikter tirkeýge jatpaıdy. Atyraý oblysynda Armenııadan alyp kelgen 7000-ǵa jýyq kólik bar.
Armenııadan alyp kelgen kólikterdi tirkeý 1 maýsym – 1 qyrkúıek aralyǵynda júrgiziledi. Polısııa departamentiniń ÁPB bastyǵynyń aıtýynsha, kólik Armenııadan alyp kelgen adamnyń atyna ǵana tirkeledi. Tirkeý úshin Atyraý-Astrahan tas joly boıyndaǵy mamandandyrylǵan halyqqa qyzmet kórsetý ortalyǵyna kelýi kerek. Kólik ıesiniń qolynda jeke kýálik pen kólik qujattary bolýy tıis.
Polısııa departamentimen Mamandandyrylǵan halyqqa qyzmet kórsetý ortalyǵynda arnaıy ashylǵan Call-ortalyǵyna kúni búgin 300-ge jýyq Atyraý turǵyndary saýaldaryna jaýaptar aldy. Kólikterdi tirkeý dúısenbi-senbi kúnderi 09.00-20.00, jeksenbi kúni 09-13.00 aralyǵynda júzege asyrylady.
