Buǵan deıin óńirdegi epıdemıologııalyq ahýal turaqty bolatyn. О́tken aptada kórsetkish bir jarym prosentke tómendegen bolatyn. Karantın rejımi jeńildetilgennen keıin, turǵyndar tarapynan salǵyrttyq ańǵaryla bastady. Bálkim, sonyń saldarynan ósim kórsetkishi kóbeıip keledi. Máselen, ótken mamyr aıynda vırýs juqtyrǵan 60 adam tirkelse, sońǵy 5 kúnde 23 derek anyqtaldy. Indettiń geografııalyq aýmaǵy da keńeıgen. Buryn elordanyń irgesindegi eldimekender ǵana indet oshaǵy esebinde sanalyp edi, búginde Qorǵaljyn, Ereımentaý, Zerendi aýdandarynda da vırýstyń etek jaıǵany baıqalady. Selınograd aýdany Qaraótkel eldimekeninde bir otbasynyń 5 adamynan vırýs anyqtalǵan.
– Búginde Zerendi aýdanyna epıdemıologııalyq saraptama jasalýda. Al vırýs juqtyrǵan naýqastar aýrýhanaǵa jatqyzylyp, em qabyldaýda. Indetti juqtyrý sebebi zerttelýde. Naýqastarmen baılanysta bolǵan jaqyndaryn anyqtaýǵa qatysty sanıtarlyq-epıdemıologııalyq sharalar júrgizilýde, – deıdi oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń jetekshisi Aınagúl Mýsına.
Saqtansań ǵana jaman tumaýdan janyń aman qalady.
