Qysqy olımpıadanyń kúmis júldegeri Vladımır Sahnov týyp-ósken Sandyqtaý jerinde danqty sportshynyń izbasarlary jelkildep ósip keledi. Karantınge baılanysty qysqy sport maýsymy merziminen buryn aıaqtalyp, jergilikti shańǵyshylar dýly dodalarǵa túse almaı qalǵandaryna ókinishti.
– Karantınge baılanysty kóptegen jarystarǵa qatysa almaı qaldyq. Tipti qysqy olımpıadanyń kúmis júldegeri Vladımır Sahnovtyń týrnıri de ótpedi. Onlaın rejımde jumys istegenimizben odan tıimdi nátıje shyqpaıtyny belgili. Shańǵyshylar únemi taza aýada shańǵy jolynda ter tógýi qajet. Búginnen bastap ózimizdiń shańǵy bazamyzda jattyǵý jasaı bastadyq. Sanıtarlyq talaptardy saqtap, sheberligimizdi shyńdaı beremiz, – deıdi bapker Ivan Spırıdonıdı.
Shańǵy sportynyń mekeni sanalatyn Sandyqtaýdan áli de talaı qysqy olımpıada júldegeri shyǵaryna úmit oty sónbeıdi.
