Qazirgi balalar úshin velosıped qol jetpes qazyna bolmaǵanymen báribir ańsaıtyn armandarynyń biri. Sol armanǵa endi qol jetkizgende ony qaıdaǵy bir suǵanaq qoldyń ıelenip ketkeni balanyń psıhıkasyna aýyr salmaq túsiredi. Onyń ústine qazirgi sapaly velosıpedterdiń quny da ájeptáýir, ol balaǵa ǵana emes ata-anasyna da úlken materıaldyq shyǵyn túsirgen zat. Keńestik kezeńnen qalǵan tar bólmeli páterlerge ıeleri ony kirgizip te qoıa almaıdy. Onyń ústine kúndelikti kirgizip-shyǵarýdyń da úlken azaby bar. Sondyqtan tómendegi kireberiske tizip qoıady. Al qaskóıler kireberisten olardy jetektep ketýge qushtar bolyp júredi. Tipti bekitip qoıǵandardyń da kiltin buzyp, alyp ketedi eken. Kireberiske kirý de qıyndyq týdyrmaıdy, shyqqan adamdy ańdyp turyp, esik jabylǵansha jyp etse, kórshileriniń kim ekenin bile qoımaıtyn qazirgi halyq eshkimnen kúdiktene qoımaıdy.
Osy ádispen Jambyl kóshesindegi 70-shi úıdiń kireberisinen baǵasy 35 myń teńge turatyn «BMHW» velosıpedi qoldy bolǵan. Oqıǵa ornynda qalǵan saýsaqtyń izi kúdiktini tabýǵa septigin tıgizip, ol buryn sottalǵan, 1993 jylǵy qala turǵyny ekeni anyqtaldy. Qazir onyń ústinen Qylmystyq kodekstiń «Urlyq» boıynsha is qozǵalyp, sotqa deıingi tergep-tekserý júrgizilýde. Urlanǵan múlik alynyp, kúdiktige qatysty kelýge mindetteme alý bultartpaý sharasy taǵaıyndaldy. «Qylmyskeler kóp jaǵdaıda kireberisine beınebaqylaý ornatylmaǵan úılerdi ańdıdy. Sondyqtan turǵyndar óz múlikteriniń saqtalýy úshin kireberiske beınebaqylaý ornatqandary jón», deıdi Krımınaldyq polısııa basqarmasynyń bastyǵy, polısııa polkovnıgi Petr Klımov.
