Osyndaı shara qoldanýǵa aýyl turǵyndarynyń baǵyp otyrǵan maldaryna durys qaramaı, emin-erkin jibere salǵandary sebep bolǵan.
– О́ıtkeni qaraýsyz júrgen mal barymtashylardyń qolyna ońaı túsedi. Temir jol boıynda qaraýsyz júrgen maldyń kesirinen byltyr 89 jol-kólik oqıǵasy oryn aldy. Qazir jol-kólik oqıǵalarynyń aldyn alý maqsatynda polısııa qyzmetkerleri oblys aýmaǵyndaǵy avtojoldarda, jazǵy jaıylymdarda reıdter júrgizýde. Iesiz júrgen mal arnaıy aıyp turaǵyna qamalady, – deıdi departament ókilderi.
Mysaly, 23 mamyr kúni ótkizilgen reıd barysynda polısııa qyzmetkerleri aıyp turaǵyna 200 mal qamaǵan. Jol-patrýldik polısııa qyzmetkerleri Pavlodar-Jelezın respýblıkalyq avtojoly boıynda qaraýsyz júrgen sıyrlardy anyqtady. Iesiz júrgen mal Tereńkól aýdany Jańabet aýylynyń turǵyndaryna tıesili ekeni anyqtaldy. Osy fakti boıynsha jınalǵan materıaldar kináli tulǵalardy jaýapkershilikke tartý úshin veterınarııa organdaryna jiberilgen.
Malyn qaraýsyz jibergen aýyl turǵyndary 3 aılyq eseptik kórsetkish kóleminde aıyppul tóleýge mindettelýi múmkin.
Al mal urlyǵy oblys ortalyǵy, Ekibastuz qalalaryna qarasty aýyldyq aýmaqtarda, Aqtoǵaı, Ertis, Maı, Sharbaqty jáne Pavlodar aýdandarynda kóbeıgen.
Byltyr óńirde jedel izdestirý barysynda polıseıler mal urlyǵymen aınalysqan 52 barymtashyny qolǵa túsirgen. Jalpy sany 116 iri qarany urlaǵan 9 qylmystyq topty qolǵa túsirdi. Polısııa qyzmetkerleri ótken jyly mal ıelerine jalpy quny 75 mıllıon teńgege teń 251 bas urlanǵan malyn qaıtaryp bergen.
Al barymtashylar bolsa, maldy jaıylymda júrgen jerlerinen alyp ketip otyrǵan. Urlanǵan maldy týystaryna, aýyl turǵyndaryna arzan baǵamen satqan.
Pavlodar oblysy
