Saıasat • 09 Maýsym, 2020

Ana men balany qoldaýǵa – 190 mlrd

40 ret kórsetildi

Bıyl qańtar-sáýir aralyǵynda balaly otbasylarǵa áleýmettik qoldaý kórsetý sheńberinde respýblıkalyq bıýdjetten, sondaı-aq Memlekettik áleýmettik saqtandyrý qorynan jalpy somasy 190 mlrd teńgege memlekettik qoldaý kórsetilgen.

Infografıkany jasaǵan Amangeldi Qııas, «EQ»

Máselen, bala týǵanda beriletin bir jolǵy járdemaqyny jalpy somasy 13 mlrd teńgege 111,5 myń adam, sáýirde 3,7 mlrd teńgege 31,4 myń adam alǵan. Bala bir jasqa tolǵanǵa deıin onyń kútimine baılanysty aı saıynǵy járdemaqyny orta eseppen 139,9 myń adam alady, olarǵa 11,9 mlrd teńge tólengen. Sáýir aıynda bul járdemaqyny 3,1 mlrd teńgege 140,7 myń adam alǵan eken.

Al «Altyn alqa», «Kúmis alqa» nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen marapattalǵan kópbalaly analarǵa tólenetin aı saıynǵy járdemaqymen orta eseppen 233,9 myń áıel qamtylsa, sáýir aıynda 234,5 myń adamǵa 4 mlrd teńge tólengen. 4 jáne odan da kóp kámeletke tolmaǵan balalary bar kópbalaly otbasylarǵa arnalǵan járdemaqy retinde orta eseppen 73,5 mlrd teńge 384,9 myń otbasyna berildi, sáýir aıynda 19 mlrd teńgege 396,5 myń adam járdemaqy alǵan. Múgedek bala tárbıelep otyrǵan adamdarǵa tólenetin járdemaqyny jalpy somasy 15,8 mlrd teńgege 88,4 myń adam alyp úlgergen, sonymen birge sáýir aıynda 90 myń adamǵa 4,1 mlrd teńge tólengen.

Aıta ketetin taǵy bir jaıt, 18 jastan asqan, bala kezinen birinshi toptaǵy múgedekke kútim jasaý bo­ıynsha aı saıynǵy jańa járdemaqyny orta eseppen 14,4 myń adam alady, olarǵa 2,6 mlrd teńge tólendi. 2020 jyly júktilik jáne bosaný úshin birjolǵy tólemniń jalpy somasy 25,9 mlrd teńge bolsa, ony 61,7 myń adam alǵan. О́tken aıda atalǵan tólemdi 4,9 mlrd teńge somasyna 9,8 myń adam alǵan. MÁSQ-tan bala bir jasqa tolǵanǵa deıin onyń kútimi boıynsha aı saıynǵy jár­demaqy júrgiziledi. Aǵymdaǵy jylǵy qańtar-sáýir aılarynda ony 31,1 mlrd teńgege 273 myń adam, sáýir aıynda 7,8 mlrd  teńgege 218,4 myń adam alǵan.

Sońǵy jańalyqtar

Uqsas jańalyqtar