О́zge ult jastary arasynda «Abaı oqýlary» baıqaýyn tamashalaýǵa kelgen kórermen I.Omarov atyndaǵy qazaq drama teatrynyń zalyna lyq toldy. Oblysta alǵash ret ótkizilip otyrǵan bul respýblıkalyq sharany oblys ákimi Nuraly Sádýaqasov quttyqtaý sózimen ashyp, qazaq tilin meńgerip, Abaı shyǵarmalarymen sýsyndap júrgen ózge etnos jastaryna báıgeden oza shabýǵa tilek bildirdi. Baıqaýǵa qazaq tilinde kórkemsóz oqý men án aıtýdy qatar meńgergen 15 jáne 25 jas aralyǵyndaǵy jastar qatysty. Olar Qazaqstannyń barlyq oblysy men Astana, Almaty qalalarynan kelip baq synady.
О́zge ult jastary arasynda «Abaı oqýlary» baıqaýyn tamashalaýǵa kelgen kórermen I.Omarov atyndaǵy qazaq drama teatrynyń zalyna lyq toldy. Oblysta alǵash ret ótkizilip otyrǵan bul respýblıkalyq sharany oblys ákimi Nuraly Sádýaqasov quttyqtaý sózimen ashyp, qazaq tilin meńgerip, Abaı shyǵarmalarymen sýsyndap júrgen ózge etnos jastaryna báıgeden oza shabýǵa tilek bildirdi. Baıqaýǵa qazaq tilinde kórkemsóz oqý men án aıtýdy qatar meńgergen 15 jáne 25 jas aralyǵyndaǵy jastar qatysty. Olar Qazaqstannyń barlyq oblysy men Astana, Almaty qalalarynan kelip baq synady.
Baıqaý sharttary boıynsha úmitkerler Abaıdyń bilim, ǵylym jáne óner 
taqyryptaryna órilgen poezııalyq shyǵarmasyn nemese qarasóziniń birin mánerlep, jatqa oqydy. Ekinshi shyqqanda «Abaı joly» romanynan úzindini kórkemdep jatqa aıtty. Al úshinshi ret kórermender olardyń oryndaýynda Abaıdyń sózine jazylǵan bir ándi tyńdady. Qazaqsha tiliniń múkisi joq jastar Abaı shyǵarmalaryn kórkemdep oqyǵanda, kemeńger aqynnyń óleńi de, qarasózi de kóńilge quıylyp jatqandaı áser qaldyrdy. Shirkin, Abaı shyǵarmalary árkimge osylaı jetip otyrsa, Abaı óleń jazǵan tilde sóıleýge árkim-aq asyq bolar edi-aý. Negizi, baıqaýdyń túpki maqsaty da osy eken.
– Buryn respýblıkalyq baıqaý tek Astana qalasynda ótkiziletin. Sońǵy eki jylda oblystarǵa da shyǵa bastadyq. О́tken jyly respýblıkalyq «Abaı oqýlarynyń» aqtyq saıystary Oral qalasynda ótti. Bıyl Qostanaıǵa kelýdi jón kórdik. Baıqaý ótkizilgen alǵashqy jyldary ózge ult ókilderi balalarynyń qazaqsha sóılegenine máz bolyp júrdik. Odan keıingi jyldary Abaı óleńderin olardyń túsinip oqýyn talap ettik. Endi olardyń Abaı shyǵarmalaryn kórermenge óz deńgeıinde jetkizgenine kýá bolyp otyrmyz, – deıdi Til komıtetiniń taldaý jáne monıtorıng basqarmasynyń basshysy Gúlbadan Táýelqyzy.
Qazylar alqasy baıqaýǵa qatysýshylardyń kórkem mátindi talǵaý jáne oqý sheberligine, qazaq tiliniń orfoepııalyq normalaryn saqtap sóıleýine, án oryndaý naqyshyna, sahnalyq óner kórsetý mádenıetine jáne qazaqtyń ulttyq kıim úlgisine nazar aýdaryp otyrdy. Mine, osy synnyń barlyǵynan súrinbeı ótken Atyraý qalasyndaǵy Gýmanıtarlyq kolledjdiń stýdenti Ásemgúl Stomma bas júldeni jeńip aldy. Taraz qalasynan kelgen Vıktorııa Murtazına birinshi oryndy ıelendi. Ol Abaı atyndaǵy Jambyl gýmanıtarlyq kolledjinde oqıdy. Ekinshi oryndy Astana qalasyndaǵy Gýmanıtarlyq kolledj stýdenti Anastasııa Bogdanova aldy. Úshinshi oryn Pavlodar memlekettik pedagogıka ınstıtýtynyń birinshi kýrs stýdenti Olga Borısovaǵa buıyrdy. Qostanaı oblysy ákiminiń arnaıy syılyǵy Ivan Klımenkoǵa tabystaldy.
Názıra JÁRIMBETOVA,
«Egemen Qazaqstan».
QOSTANAI.
Sýrette: Bas júldeni jeńip alǵan atyraýlyq Ásemgúl Stomma.
