– Shaǵyn bıznesti qoldaý elimizdiń ekonomıkasy men áleýmettik salasynda asa joǵary mańyzǵa ıe. Al kredıtter men kepildiń qoljetimdi bolýy ShOB-tyń, ásirese mıkrobıznestiń negizgi damytýshy kúshi bolyp tabylady. Sondyqtan «Bıznestiń jol kartasy-2025» baǵdarlamasyna «mıkro jáne shaǵyn bıznesti mıkrokredıtteý» jańa baǵyty qosylady, – dedi mınıstr.
Jańa baǵyt boıynsha kásipkerlerdi 6%-dan aspaıtyn mólsherleme boıynsha sýbsıdııalaý arqyly qarjylandyrý qarastyrylǵan. Kredıt kólemi 5-20 mln teńge aralyǵynda.
Sondaı-aq bıznes sýbektileri kepiliniń jetpeýine baılanysty másele de sheshimin tapty – «Damý» uzaq zaımnyń 85%-yna kepildik bermek. Bul eki baǵyt boıynsha jumysty osy maýsym aıynyń ishinde júzege asyrý josparlanǵan.
Esep berý jıynynda R.Dálenov karantındik shekteýlerden zardap shekken kásiporyndardy keshendi qoldaý sharalary mıllıonnan asa ShOB sýbektisin qamtıtynyn aıtty. Salyqtyq jeńildikterdiń ózi ekonomıkanyń 29 sektoryndaǵy kásiporynǵa jasalmaq.
– ShOB-ty damytý – ekonomıkany ártaraptandyrýdyń, jumyspen qamtýdyń, makroekonomıkalyq turaqtylyqtyń, sondaı-aq halyqqa arnalǵan qyzmetter men taýarlardy óndirýdiń basty faktory. О́zderińizge belgili, qazirgi kezeńdegi karantındik shekteý sharalary shaǵyn bızneske tikeleı yqpal etti. Sondyqtan salany qoldaý úshin salyqtyq yntalandyrý jasalyp, beriletin kredıt kólemi ulǵaıtylýda, – dep atap ótti mınıstr.
Salyqtyq yntalandyrý sharasy retinde 2020 jylǵy 1 maýsymǵa deıin ShOB nysandaryn barlyq salyq pen áleýmettik tólemnen bosatý kózdelgen. Ekonomıkanyń álsiz salalaryndaǵy múlik salyǵynyń stavkasy jyl sońyna deıin joıyldy. Aýyl sharýashylyǵy ónimin óndirýshiler de jer salyǵynyń mólsherlemesin jyl sońyna deıin tólemeıdi.
Ásirese áleýmettik mańyzy bar taýar óndirýshilerge erekshe qoldaý kórsetilýde. Azyq-túlik ónimderin ótkizý jáne ımporttaýda qosymsha qun salyǵynyń 1 qazanǵa deıin azaıtylǵany osyny kórsetedi.
Esep berý jıynynda aıtylǵandaı, ekonomıkanyń qatty zardap shekken salalarynda 1 sáýirden
1 qazanǵa deıin eńbekaqy tóleý qorynan salyq pen áleýmettik tólemge qatysty salyq mólsherlemesi alynyp tastaldy. Bul jalaqydan ustalatyn jeke tabys salyǵy, mindetti zeınetaqy jarnasy, áleýmettik salyq jáne áleýmettik tólem, mindetti medısınalyq saqtandyrý jarnasy alynbaıdy degen sóz.
Mınıstr mıkro jáne shaǵyn bıznes úshin Memleket basshysynyń ótken jylǵy úsh jylǵa kiris salyǵynan bosatý týraly bastamasy óte mańyzdy bolǵanyn aıtty.
– Nátıjesinde, 1 mln-nan astam mıkro jáne shaǵyn kásipkerlik sýbektisi 3 jyl ishinde salyqtan 382 mlrd teńge únemdeıdi, – dep atap ótti R.Dálenov.
Mınıstr elimizdegi bes jyl ishinde 2 myńnan astam ınvestısııalyq joba júzege asyrylatynyn aıtty. Jobalardy júzege asyrýdyń jalpy quny 44 trln teńgege baǵalanyp otyr.
– Investısııanyń IJО́-degi úlesin 30%-ǵa deıin arttyrý maqsatyn alǵa qoıyp otyrmyz. Byltyr bul kórsetkish 18,2%-dy qurady. Investısııalar ekonomıkanyń turaqty jáne sapaly ósiminiń kepili bolyp tabylady, – dedi mınıstr.
Onyń aıtýynsha, ınvestısııa tartý úshin AHQO-nyń múmkindigin keńinen qoldaný josparlanýda. Qolǵa alynatyn jobalardyń 5 jylǵy pýly jasaqtalǵan.
