Atalǵan aýyldarda búgin, 10 maýsym saǵat 00:00-de bastalǵan karantın men shekteý sharalary 24 maýsym kúngi tańǵy saǵat 07:00-ge deıin jalǵasqaly otyr.
"Karantın rejımi mezgilinde Mııaly aýylyna adamdar men avtokólikterdiń kirip-shyǵýyna tyıym salynsyn. Mııaly aýylynyń turǵyndary ózge óńirlerden karantın jarııalanǵan ýaqyttan bastap 72 saǵat ishinde kelgen jaǵdaıda, aýylǵa kirýge ruqsat etilsin", - delingen qaýlyda.
Mııaly men Muqyr aýyldarynda azyq-túlik bazarlary men dúkenderine, dárihanalarǵa saǵat 9:00-21:00 aralyǵynda jumys isteýge ruqsat berilip otyr. Al, HQKO men meshitter, azyq-túlikke jatpaıtyn saýda oryndary men dúkender, fotosalondar men lombardtar, tigin atelesi men túrli sheberhanalar, monshalar men saýnalar, mádenıet jáne sport keshenderi sekildi ózge de nysandar, taksı qyzmeti jumysyn toqtatýy tıis.
"Qazir aýdanda 9 adamnan qaýipti indettiń belgisi anyqtaldy. Onyń 8-i Mııalynyń, bireýi Muqyr aýylynyń turǵyny. Olarmen baılanysta bolǵandar anyqtalyp jatyr", - dedi Qyzylqoǵa aýdanynyń bas memlekettik sanıtarlyq dárigeri Altyngúl Aımuratova.
