Bilim basqarmasynda ulttyq biryńǵaı testileý kezindegi qaýipsizdik sharalary týraly aıtyldy.
"Oqytýshylar men túlekter arasynda COVID-19 taralýyn boldyrmaý jáne aldyn-alý boıynsha túsindirý júrgizilýde. Synyptarda ústelder arasyndaǵy qashyqtyq keminde eki metr bolýy kerek. Nusqaýlyqta jazylǵandaı dezınfeksııalyq quraldarmen qamtamasyz etý (respıratorly maskalar, qolǵaptar, sanıtaızerler); termometrııanyń saqtalýy, tekseriletin adam men qyzmetker arasyndaǵy qashyqtyq keminde bir metr; ýnıversıtetterdiń aýdıtorııalarynda sanıtarlyq-dezınfeksııa rejımin saqtaý; jeldetý júıeleri men aýa baptaý júıeleriniń úzdiksiz jumysyn qamtamasyz etý", – dep túsindirdi basqarmada.
UBT kezinde qoǵamdyq tártipti 100 polısııa qyzmetkeri men 10 arnaıy kólik qamtamasyz etedi. Sonymen qatar 9 medısına qyzmetkeri jáne úsh jedel járdem jumyldyrylady. 24 qyzmetker órt qaýipsizdigin qadaǵalaıdy, 46 avtobýs qala shetinde turatyn 540 túlekti tasymaldaýdy qamtamasyz etedi.
Bilim basqarmasy túlekterdiń ata-analary balalardyń densaýlyǵy men qaýipsizdigin qamtamasyz etý úshin toptanyp jınalmaı, úıde otyrýy kerek ekenin taǵy bir atap ótti. Olar úshin aýdıtorııadan onlaın translıasııa uıymdastyrylady.
Habarlanǵandaı, bıyl mektepti 6515 oqýshy bitirdi. UBT-ǵa qatysýǵa 95% nemese 6255 adam ótinish berdi, onyń ishinde 3661-i qazaq, 2554-i orys, 40-y aǵylshyn tilinde.
