Grek-rım kúresinen álemniń eki dúrkin júldegeri 25 jasar Almat Kebisbaev otbasyn qurdy. Bul týraly IKontakte áleýmettik jalisinde Kazakhstan Wrestling Online toby habarlady.
Palýannyń tańdaýy 18 jasar Aıjan esimdi qyzǵa túsipti. Ol Aqmola oblysyndaǵy Stepnogorsk qalasynan. Ol da sportshy. Olımııalyq rezerv mektebin bitirgen, júzýmen shuǵyldanady.
Toı qazan aıynyń basynda Almat Kebisbaevtyń týǵan jerinde, Shyǵys Qazaqstan oblysynyń Úrjar kentinde ótti. Toıǵa Nurmahan Tinálıev bastaǵan kóptegen sportshylar qatysypty.
Almat Kebisbaev 60 kıloǵa deıingi salmaqta álemniń eki márte júldegeri atanǵan. Ol 2010 jyly Máskeýde úshinshi bolsa, 2011 jyly Ystambulda fınalǵa deıin jetti. Budan basqa, kóptegen halyqaralyq týrnırlerde jeńimpaz atandy, 2012 jyly London Olımpıadasyna qatysty.
Ústimizdegi jyly Almat Qazanda ótken Ýnıversıadada qola medaldy moınyna taqty. Al Býdapeshtte ótken álem chempıonatynda júldegerler sapyna ene almady.
Rýslan Igilik.
