QR Eńbek jáne halyqty áleýmettik qorǵaý mınıstrligi (budan ári - Eńbekmıni) 12 maýsymda atap ótiletin Dúnıejúzilik balalar eńbegine qarsy kúres kúni aıasynda jumys berýshilerdi balalardy jumysqa zańsyz tartýǵa jol bermeýge shaqyrady.
Balalar eńbegi – bul balanyń densaýlyǵyna qaýip tóndiretin nemese onyń bilim alýyna kedergi keltiretin nemese densaýlyǵyna, fızıkalyq, aqyl-oı, rýhanı, adamgershilik jáne áleýmettik damýyna zııan keltiretin jumys.
Halyqaralyq eńbek uıymynyń málimeti boıynsha álemde 218 mıllıon bala jumys isteýge májbúr, olardyń 73 mıllıony qaýipti eńbekpen aınalysady.
Qazaqstanda 2020-2022 jyldarǵa arnalǵan balalar eńbeginiń eń nashar túrlerin joıý jónindegi is-sharalar jospary aıasynda balalar eńbeginiń eń nashar túrlerin joıý saıasatyn jetildirý, kámeletke tolmaǵandardyń quqyqtary men bostandyqtaryn qorǵaýdy qamtamasyz etý, balalar eńbeginiń eń nashar túrlerin joıý týraly zańnamanyń saqtalýyn tekserý jáne t.b. boıynsha jumystar júrgizilýde.
Sońǵy 5 jyl ishinde respýblıkada temeki jáne maqta salalaryndaǵy balalar eńbegin joıý boıynsha tıimdi sharalar qabyldandy, balalardyń quqyǵyn qorǵaý salasynda tıimdi quqyqtyq baza quryldy.
Qazirgi ýaqytta kámeletke tolmaǵan balalardyń eńbegin paıdalaný kóbinese jazǵy demalys kezeńinde oryn alady. Bul kezde 12 jastan 18 jasqa deıingi balalar shaǵyn bızneske tartylady: bazarlarda, kólik jýý jáne avtokólik jóndeý stansııalarynda, qoǵamdyq tamaqtaný oryndarynda (meıramhanalar, dámhanadar) jáne t.b. jerlerde jumys isteıdi. Atalmysh jaǵdaılarda jıi kezdesetin buzýshylyq - eńbek shartynyń bolmaýy.
Elimizde respýblıkalyq jáne óńirlik deńgeılerde kez-kelgen bala nemese eresek adam qońyraý shalyp, óz problemalary týraly aıta alatyn senim telefondary jumys isteıdi (Balalar quqyǵyn qorǵaý komıtetiniń senim telefony - 74-25-28, Ulttyq telefon jelisi - 150).
Eńbekmıni jumys berýshilerdi eńbek zańnamasyn saqtaýǵa jáne tyıym salynǵan balalar eńbegin paıdalanýǵa jol bermeýge shaqyrady.
