Bıyl – óz zamanynyń zańǵar aqyny, Memlekettik syılyqtyń laýreaty, halyq jazýshysy Ǵafý Qaıyrbekovtiń týǵanyna 85 jyl. Soǵan oraı túrli deńgeıdegi sharalar ótip jatqany belgili. Sondaı ataýly sharanyń biri Astana qalasyndaǵy Ǵafý Qaıyrbekov atyndaǵy №2 mektep-gımnazııada uıymdastyryldy.
Bıyl – óz zamanynyń zańǵar aqyny, Memlekettik syılyqtyń laýreaty, halyq jazýshysy Ǵafý Qaıyrbekovtiń týǵanyna 85 jyl. Soǵan oraı túrli deńgeıdegi sharalar ótip jatqany belgili. Sondaı ataýly sharanyń biri Astana qalasyndaǵy Ǵafý Qaıyrbekov atyndaǵy №2 mektep-gımnazııada uıymdastyryldy.
Keshke aqynnyń jary Bádesh Hamzına, kóz kórgen inileri – aqyn Serik Turǵynbekuly men Ospan Súleımenuly jáne muǵalimder men oqýshylar qaýymy qatysty. Eske alý keshi mektep-gımnazııadaǵy Ǵafý Qaıyrbekov atyndaǵy murajaıda semınar jumysymen bastaldy. Ony Tuńǵysh Prezıdent murajaıynyń bólim meńgerýshisi Roza Qazbekova ashyp berdi. Sodan keıin jınalǵan qaýym aqyn atyndaǵy murajaıdyń jumysymen tanysty. Semınar barysynda osy mekteptiń joǵary synyp oqýshylary Danagúl Ǵalymjanova men Rústem Qojabaevtyń «Otannyń abzal uldary» taqyrybyndaǵy ǵylymı jumystary tyńdaldy.
Eske alý keshiniń sońyna qaraı dırektordyń tárbıe isi jónindegi orynbasary Saltanat Kampıtova men pedagog Aıgúl Zaletaevanyń uıymdastyrýymen ádebı-mýzykalyq kesh ótkizildi. Osy jerde aqynnyń týǵanyna seksen bes jyl tolýyna arnalǵan aptalyqtyń qorytyndysy shyǵaryldy. Bilim ordasynda apta boıy ótkizilgen aqyn shyǵarmalaryn mánerlep oqý, jas aqyndar saıysy, shyǵarmalar baıqaýy, sporttyq jarys jáne sýret baıqaýy jeńimpazdary marapattaldy.
Keshti mektep-gımnazııanyń dırektory Gamıl Shaımerdenov qorytyndylady. «Aqynnyń shyǵarmashylyq murasy bizdiń júregimizde. Qazaq poezııasy jasap turǵanda, qazaqtyń rýhanı baılyǵy bar kezde onyń esimi esh ýaqytta umytylmaıdy. Biz Ǵafý sekildi aqyndy árqashan maqtan etemiz», dedi ol.
Aıgúl SEIILOVA,
«Egemen Qazaqstan».
