Búginde «jasyl ekonomıkaǵa» kóshý, energııalyq tıimdilikti kóterý, jel, sý, kún energııalary arqyly taza ekologııalyq qýat kózderin alýǵa qol jetkizý ózekti máselelerdiń biri bolyp otyrǵandyǵy belgili. Bul úshin múmkindik elimizdiń barlyq óńirlerinde bar. Ony utymdy paıdalanyp, joǵary tehnologııalyq, ınnovasııalyq jobalardy óndiriske engizýdi jıiletip, osy baǵyttaǵy qadamdy tezdetý maqsatynda atqarylýdaǵy is-sharalar kúnnen-kúnge shıratylyp ta keledi. Sonyń jarqyn kórinisi Qaraǵandy óńirinen baıqalady. Qorshaǵan ortany qorǵaý mınıstrliginiń Birikken Ulttar Uıymynyń Damý baǵdarlamasymen (BUUDB) seriktestikte ótkizgen aımaqtyq semınary osyǵan baılanysty boldy.
Búginde «jasyl ekonomıkaǵa» kóshý, energııalyq tıimdilikti kóterý, jel, sý, kún energııalary arqyly taza ekologııalyq qýat kózderin alýǵa qol jetkizý ózekti máselelerdiń biri bolyp otyrǵandyǵy belgili. Bul úshin múmkindik elimizdiń barlyq óńirlerinde bar. Ony utymdy paıdalanyp, joǵary tehnologııalyq, ınnovasııalyq jobalardy óndiriske engizýdi jıiletip, osy baǵyttaǵy qadamdy tezdetý maqsatynda atqarylýdaǵy is-sharalar kúnnen-kúnge shıratylyp ta keledi. Sonyń jarqyn kórinisi Qaraǵandy óńirinen baıqalady. Qorshaǵan ortany qorǵaý mınıstrliginiń Birikken Ulttar Uıymynyń Damý baǵdarlamasymen (BUUDB) seriktestikte ótkizgen aımaqtyq semınary osyǵan baılanysty boldy.
Oǵan qatysýshylarǵa arnalyp uıymdastyrylǵan kórmede kórsetilgendeı, oblysta taza tehnologııany engizý boıynsha nazar aýdararlyqtaı jaǵymdy jańalyqtar men tájirıbeler az emes. Máselen, sýdy 2-3 ese únemdeýge jaǵdaı jasaıtyn tamshylatyp sýarý tehnologııasyn, qaldyqtardy qaýipsiz óńdeý, energııa únemdeý, sondaı-aq, jeke ınvestor da sala alatyn, al memleket belgili bir merzimge elektr qýatyn kepildi túrde satyp alyp, bekitilgen tarıfpen qamtamasyz etetin jel stansasyn salý sııaqty ınnovasııalyq izdenister úırenerlik iske aınalǵan. Sonymen birge turǵyn úı-kommýnaldyq sharýashylyǵy men qurylysta energııa tıimdiligin kóterýdegi sharalar da nátıjeli tabys ákele bastaýda. Oblys ortalyǵyndaǵy Núrken Ábdirov dańǵylyndaǵy turǵyn úıler birine BUUDB aıasynda jergilikti «Ergonomıka» kompanııasynyń avtomattandyrylǵan jylý jáne sý jylytý nysandaryn ornatý jumystary arqasynda páter ıeleri jylý energııasy boıynsha 22 paıyz qarajat únemdeýge qol jetkizse, Álıhan Ermekov kóshesinde salynǵan jańa taǵy bir úıge BUUDB jáne Ǵalamdyq ekologııalyq qor jobasynyń qarjysy esebinen qurylystyń energııalyq standarttardy talapqa saı paıdalanýy, ıaǵnı úıdi jylytý jáne jylýdy rekýrperasııalaý (keri qaıtarý) júıesi 30 paıyzǵa deıin únemdikke septigin tıgizdi.
Qalalarmen qatar, aýyldyq jerlerde de buǵan deıin eskerilmeı kelgen rezervterdi paıdalana bilýge belsendi áreket ósý ústinde. Buryn dalaǵa bos ketip jatqandaı jeldiń kúshin, kúnniń qyzýyn qoldanýǵa kóshken Shet aýdanyndaǵy «Azat» sharýa qojalyǵynyń jetekshisi Tileýǵabyl Esenbekovtiń tájirıbesin qoldanýshylar ulǵaıyp otyr.
Elimizdiń «jasyl ekonomıkaǵa» kóshý jónindegi tujyrymdamasynyń maqsattary men mindetteri jan-jaqty túsindirilip, talqylanǵan semınarda Qorshaǵan ortany qorǵaý vıse-mınıstri Talǵat Ahsambıev, Qazaqstan Respýblıkasyndaǵy BUUDB turaqty ókiliniń orynbasary Ekaterına Pankılova jáne basqa qatysýshylar sóz sóılep, bul mańyzdy maqsatty iske asyrýǵa ǵylymı-zertteý ortalyqtary ǵalymdary men mamandaryn belsendi tartý qajettigin, atalǵan júıeni damytý eldiń ekonomıkalyq jaǵynan ǵana kúshti emes, áleýmettik te, ekologııalyq jaǵynan da áleýetti bolýyna múmkindik beretinin atady. Olar mundaı alqaly basqosýlardyń energııanyń jańartylǵan kózderin damytýǵa, ónerkásiptik qaldyqtardy qaıta ıgerýge, ekologııalyq júıelerdi basqarý máselelerindegi halyqaralyq úrdisterdi qoldanýǵa, jergilikti kompanııalardyń belsendiligin kúsheıtýge yqpaly mol bolaryn qoldady.
Aıqyn NESIPBAI,
«Egemen Qazaqstan».
QARAǴANDY.
