Muny halyq «bir jaǵadan bas, bir jeńnen qol shyǵarý» dese kerek, sirá. «Kovorkıng» dep, aǵylshyn tilinen aýdarǵanda «birigip jumys jasaý», ıaǵnı, kásipkerlerdiń bir ǵımaratta otyryp óz isterin sátti júrgizýin aıtady. Bul termındi 2005 jyly amerıkalyq jas baǵdarlamashy maman Bred Nıýberg oılap tapqan eken. Kóp qabatty úıden aýqymdy keńseni jalǵa alǵan Bred ózi sııaqty mamandardy birlesip jumys isteýge shaqyrypty.
Muny halyq «bir jaǵadan bas, bir jeńnen qol shyǵarý» dese kerek, sirá. «Kovorkıng» dep, aǵylshyn tilinen aýdarǵanda «birigip jumys jasaý», ıaǵnı, kásipkerlerdiń bir ǵımaratta otyryp óz isterin sátti júrgizýin aıtady. Bul termındi 2005 jyly amerıkalyq jas baǵdarlamashy maman Bred Nıýberg oılap tapqan eken. Kóp qabatty úıden aýqymdy keńseni jalǵa alǵan Bred ózi sııaqty mamandardy birlesip jumys isteýge shaqyrypty.
Jaqynda Shymkentte Kásipkerlerge qyzmet kórsetý ortalyǵynyń bastamasymen tuńǵysh ret eki Kovorkıng ortalyǵy ashyldy. «Elbasy N.Nazarbaev halyqqa arnaǵan Joldaýynda «2030 jylǵa deıin kishi jáne orta bıznestiń el ekonomıkasyna qosar úlesi eń kem degende eki esege deıin artýy qajet dep naqtylaǵan bolatyn, – deıdi oblys ákiminiń orynbasary Saparbek Tuıaqbaev. – Búgingi kúni oblysymyzda 14 pen 29 jas arasyndaǵy 770 myń jas bar. Bul – bolashaq kásipkerler, bıznesmender men «jańa jobalardyń» iske asyrýyna túrtki bolatyn kóshbasshylar. Sol jas mamandar men kásipkerlerdi qoldaý maqsatynda biz Kovorkıng ortalyqtaryn ashyp jatyrmyz».
– Kovorkıng keńseleri isin jańadan bastap jatqan kásipkerlerge úlken keńselerdi jalǵa alýǵa shamasy jetpegen jaǵdaıda óte yńǵaıly. Bul árbir qatysýshy táýelsiz bola otyryp, óz isine qajetti ortaq alańdy paıdalanatyn jumys modeli. Ortalyq – jastardyń arasynda kásipkerlik mádenıetin keńinen nasıhattaýǵa serpin berip, aǵa býyn kásipkerler men jas kásipkerler arasyndaǵy sabaqtastyq pen aqparat almasýdy qarastyrady, – deıdi OQO Kásipkerlerge qyzmet kórsetý ortalyǵynyń dırektory Nurjan Altaev. – Atalǵan ortalyqty qurý barysynda biz birqatar tejeýlerge tap boldyq. Áıtse de osyndaı ortalyqtary bar jáne oń jumys nátıjelerin kórsetip jatqan elderdiń tájirıbesin eskere otyryp ózimizdiń óńirde dál sondaı bıznes-ınkýbatorlardy qurýdy sheshtik.
Atalmysh bıznes-ınkýbatordy qurý kezinde óziniń bıznes-jobasy men ınnovasııalyq jobalary bar jastar tartylypty. Osy ortalyqtaǵy barlyq jobalarǵa, jańadan bastap jatqan joba nemese júzege asyrylyp jatqan joba bolsyn KQKO-dan qoldaý tolyqqandy kórsetiletin bolady. Mysaly, eger jas maman óz bıznesin bastaımyn dep nıet bildirse, oǵan ıdeıany qalaı júzege asyrýǵa, naqty taqyryptarda bıznes oqytý júrgizilip, quqyqtyq, salyq, qarjy, býhgalterlik esep, t.b. suraqtaryna salalyq aqparattardy usynady.
Ras, tirligin jańadan bastap jatqan kásipkerlerge úlken keńselerdi jalǵa alý birqatar qıyndyqtar týǵyzady. Olar jalǵa alý qunymen qatar, kompıýter, prınter, faks, telefon ornatý, ınternet, t.b. shyǵyndardy tóleýine týra keledi. Al bul eki ortalyqta kásipkerlerge barlyq jaǵdaı jasalǵan. Osydan bolar, búginde Ońtústikte jastar arasynda óz isin bastap, órge domalatý jaǵy alǵa basyp keledi. Bolashaqta dál osyndaı ortalyqtardy aýdandardan da ashý josparda bar.
Oralhan DÁÝIT,
«Egemen Qazaqstan».
Ońtústik Qazaqstan oblysy.
–––––––––––––––––––––
Sýretti túsirgen
Arman ÁBDIRAShULY.
