Oblys ortalyǵynda «Alǵashqy ustazym» atty eskertkish ashylǵan bolatyn. Endi oqýshylar, ustazdar, stýdentter, jurtshylyq ustazdar merekesi kúni osy eskertkishke gúl shoqtaryn qoıyp, qoldaryna qalam ustatqan aıaýly jandarǵa qurmet kórsetedi. Bıyl da sol ómirsheń dástúr jalǵasyn tapty.
Oblys ortalyǵynda «Alǵashqy ustazym» atty eskertkish ashylǵan bolatyn. Endi oqýshylar, ustazdar, stýdentter, jurtshylyq ustazdar merekesi kúni osy eskertkishke gúl shoqtaryn qoıyp, qoldaryna qalam ustatqan aıaýly jandarǵa qurmet kórsetedi. Bıyl da sol ómirsheń dástúr jalǵasyn tapty.
Mereke qarsańynda qazaq tili men ádebıeti páni muǵalimderiniń alǵashqy forýmy ótti. Forýmǵa Qaraǵandy, Shyǵys Qazaqstan óńirlerinen 400-ge jýyq muǵalim keldi. Shara barysynda ustazdar qazaq tili men ádebıetin oqýdyń zamanaýı ádis-tásilderin ortaǵa sala otyryp, pikir almasty.
Jıynǵa qatysqan oblys ákimi Erlan Aryn: «Biz – eń aldymen, denniń saýlyǵynan keıin tildiń saýlyǵyn tileıtin halyqpyz. Oqýshylar óz mamandyǵy retinde matematıkany, fızıkany nemese bıologııany tańdasa da, tilsiz eshqaıda bara almaıdy. Qazir qazaq tilin damytýdyń jańa tehnologııasyn paıdalanýdy jolǵa qoıdyq. Ekinshiden, aralas mektepterdiń ýaqyty ótti. Sondaı-aq, qazaq tili men ádebıeti jáne tarıh pánderi kabınetteriniń jabdyqtalýy barlyq talaptarǵa saı, ózgeden erekshe bolýy tıis. Sol arqyly, oqýshylardyń qazaq tiline degen qyzyǵýshylyǵyn oıata alamyz», – dedi.
Estaı atyndaǵy mádenıet saraıynda Muǵalimder kúnine arnalǵan mereke ótti. Onyń aıasynda «Meniń alǵashqy ustazym!», «Ustaz, shákirtti tárbıele», «Meıirimdi júrek», «Jyl muǵalimi-2013», «Jyl tárbıeshisi» – 2013» oblystyq baıqaýlardyń qorytyndysy jarııalandy.
Ustazdar kúnine arnalǵan kelesi shara «Jas ustazdardyń quryltaıy» edi. Quryltaıǵa oblystyń aýyl-qalalarynan 300 jas muǵalim qatysty. Forýmda pedagogıkalyq ujymda korporatıvtik mádenıetti qalyptastyrý problemalary, jas pedagogtardy beıimdeý jáne qoldaýdaǵy kásipodaq uıymdarynyń róli, otbasy jáne mekteptiń ózara baılanysyn qamtamasyz etý, kásibı tańdaý, ony iske asyrý máseleleri qaraldy. Bul kúnderi jas ustazǵa talap joǵary. Elimizde júzege asyp jatqan «Dıplommen – aýylǵa!» baǵdarlamasynyń shapaǵaty mol bolyp turǵanyn aıta ketsek deımiz.
Farıda BYQAI,
«Egemen Qazaqstan».
Pavlodar oblysy.
