Kásipodaqtar kúni atalyp ótti

О́tken senbide Astanada Qazaqstan Kásipodaqtary federasııasynyń uıymdastyrýymen, Mádenıet jáne aqparat mınıstrligi, Eńbek jáne halyqty áleýmettik qorǵaý mınıstrligi, Astana qalasy ákimdiginiń qoldaýymen kásipodaqtar kúni keńinen atalyp ótti.

О́tken senbide Astanada Qazaqstan Kásipodaqtary federasııasynyń uıymdastyrýymen, Mádenıet jáne aqparat mınıstrligi, Eńbek jáne halyqty áleýmettik qorǵaý mınıstrligi, Astana qalasy ákimdiginiń qoldaýymen kásipodaqtar kúni keńinen atalyp ótti.

Kásipodaqtar federasııasy­ ǵımaratynyń aldynda qala turǵyndary men meımandary úshin azyq-túlik jármeńkesi ju­mys istep, arty úlken merekelik sharaǵa ulasty. О́nerpazdar konsert qoıyp, sporttyq jarystar uıymdastyryldy. Sonymen qatar, halyqqa taratylǵan utys lotereıalary oınalyp, jeńimpazdar tońazytqysh pen teledıdarǵa, basqa da kóptegen baǵaly syı­lyqtarǵa ıe boldy.

Osy shara aıasynda Qazaqstan Kásipodaqtary federasııasynyń tóraǵasy Ádilǵazy Qusaıynov sharaǵa oblystardan shaqyrylǵan delegattarmen dóńgelek ús­tel basynda kezdesip, kásipodaq­tardyń qazirgi jaǵdaıy men bola­shaq damý barysy týraly­ úlken áńgime qozǵaldy. «Kásip­odaqtar týraly» zań jobasy­nyń ázirlenip, Parlament tal­qy­laýyna usynylǵandyǵy, bul zań qabyldanǵan kezde kásip­odaqtardyń damýyna úlken qozǵaý salatyndyǵy aıtyldy.

Osy sharaǵa óńirlerden kelgen delegattar óz oılaryn ortaǵa saldy. Olar mundaı sharanyń kóp jyldardan beri birinshi ret keń kólemde uıymdastyrylyp otyrǵandyǵyn aıtyp, osy iske muryndyq bolǵan Qazaqstan Kásipodaqtary federasııa­syna úlken alǵystaryn bildirdi.

Men «Qazaqstan temir joly» AQ-tyń batys fılıalynda elektr mehanıgi bolyp qyzmet etemin. Bizdiń ujymda 1200 adam bar. Atyraýda, Aqtaýda bólimshelerimiz jumys isteıdi. Bizde kásipodaq jumysy jaqsy jolǵa qoıylyp keledi. Jumys berýshimen arada ujymdyq shart jasalǵan. Osyǵan sáıkes ujym jumysshylaryna birqatar áleýmettik kómekter usynylyp otyr. Jumysshylardyń jáne­ olardyń balalarynyń dem­alysyna qolaıly jaǵdaı­lar týǵyzylǵan. Eńbek qaýipsiz­di­giniń máselesi ujymdyq shart­ta eskerilgen. Osynyń bar­lyǵy elimizde kásipodaq qoz­ǵalysynyń óris ala túskendigin bildiredi, – dedi merekelik sharany atap ótý úshin elimizdiń batys óńirinen kelgen Qaırat Álıuly. Ol óziniń kásipodaq tarapynan ótkizilip otyrǵan mundaı sharaǵa birinshi ret qatysyp otyrǵandyǵyn aıtyp, osyǵan baılanysty Qazaqstan Kásipodaqtary federasııasynyń basshylyǵyna alǵysyn bildirdi.

Suńǵat ÁLIPBAI,

«Egemen Qazaqstan».