Astana medısına ýnıversıtetinde «Tumaý – tez taralatyn juqpaly ınfeksııa jáne onyń asqynýy: syrqatty anyqtaý, aldyn alý jáne emdeý» atty ǵylymı metodıkalyq konferensııa ótti. Bul ǵylymı konferensııa densaýlyq saqtaý salasyna barlyq sanaly ǵumyryn arnap, naǵyz kemel shaǵynda bıyl kenetten qaıtys bolǵan medısına ǵylymdarynyń doktory, professor G.Alshynbaevanyń osy saladaǵy ashqan ǵylymı jetistikterine arnaldy.
Astana medısına ýnıversıtetinde «Tumaý – tez taralatyn juqpaly ınfeksııa jáne onyń asqynýy: syrqatty anyqtaý, aldyn alý jáne emdeý» atty ǵylymı metodıkalyq konferensııa ótti. Bul ǵylymı konferensııa densaýlyq saqtaý salasyna barlyq sanaly ǵumyryn arnap, naǵyz kemel shaǵynda bıyl kenetten qaıtys bolǵan medısına ǵylymdarynyń doktory, professor G.Alshynbaevanyń osy saladaǵy ashqan ǵylymı jetistikterine arnaldy.
Professor Gúlnár Alshynbaevanyń qurmetine ótkizilgen bul basqosýǵa Densaýlyq saqtaý mınıstrligi Ǵylym jáne adam resýrstary departamentiniń dırektory A.Syzdyqova, «Astana Medısına ýnıversıteti» AQ rektory M.Shaıdarov, «Eýrazııalyq juqpaly aýrýlar qoǵamy» halyqaralyq qoǵamdyq mekemesiniń prezıdenti Iý.Lobzın jáne basqa da alys-jaqyn shet elderdiń birqatar tájirıbeli dáriger mamandary qatysty.
Búkil sanaly ǵumyryn medısınaǵa arnaǵan ustaz-dárigerdiń qurmetine ótken konferensııada onyń eńbekterin kórsetken kórmeni de jıylǵan jurt asqan yjdahattylyqpen aralasa, marqum Gúlnár Alshynbaevanyń medısınaǵa qatysty oqý quraldary men paıdaly keńesterden turatyn kitaptaryn konferensııaǵa kelgen qonaqtar qyzyǵa taratyp aldy. Professor G.Alshynbaevanyń orys jáne qazaq tilderinde shyqqan eńbekteri men qosalqy avtor retinde jarııalaǵan eleýli jumystary óz mańyzdylyǵymen erekshelenetindigi atap kórsetildi. Basqosýdyń ǵalymnyń qurmetine ótkizilýi de onyń osy salaǵa sińirgen eńbekterin baǵalaǵandyq bolsa kerek.
Tájirıbeli dárigerler óz pikirlerin ortaǵa salǵan konferensııanyń negizgi maqsattary qatarynda elimizde juqpaly aýrýlardy emdeýdiń zamanaýı ádisterin densaýlyq saqtaý tájirıbesine engizý máseleleri qaraldy. Qashanda alǵashqy orynda turatyn adam densaýlyǵy bul otyrystyń da ózegine aınaldy.
Ábdirahman QYDYRBEK,
«Egemen Qazaqstan».
