Qazaqstan Prezıdenti janyndaǵy Ortalyq kommýnıkasııalar qyzmetiniń resmı ókili Altaı Ábıbýllaev jýrnalısterge dástúrli brıfıng ótkizip, aptanyń mańyzdy is-sharalarymen tanystyrdy.
Qazaqstan Prezıdenti janyndaǵy Ortalyq kommýnıkasııalar qyzmetiniń resmı ókili Altaı Ábıbýllaev jýrnalısterge dástúrli brıfıng ótkizip, aptanyń mańyzdy is-sharalarymen tanystyrdy.
Áńgime ózegine aınalǵan máselelerdiń biri elimizdiń munaı-gaz sektory boldy. Bul oraıda A.Ábıbýllaev: «Qazaqstannyń energetıkalyq kesheni – ulttyq ekonomıkanyń qozǵaýshy kúshi, sondyqtan bizdiń memleket munaı-gaz sektorynyń keshendi damýyna basty nazar bólýde», deı kele, Qazaqstan energetıkalyq qaýipsizdikti qamtamasyz ete otyryp, munaı-hımııa salasyna ınvestısııalar men jańa ındýstrııalyq-ınnovasııalyq tehnologııalardy tartýǵa barynsha múddelilik tanytyp otyrǵanyn jetkizdi. Bir atap óterligi, 8-9 qazan kúnderi Astanada ótetin KAZENERGY VIII Eýrazııalyq forýmy aıasynda eldiń zamanaýı energetıkalyq saıasaty, munaı-gaz salasyndaǵy álemdik úderister men kóptegen basqa da ózekti máseleler talqy tarazysyna salynady eken.
Resmı ókil brıfıng barysynda basqa da mańyzdy is-sharalar jaıynda baıandap berdi. Máselen, ol 11 qazanda Qazaqstan Parlamenti qos palatasy depýtattarynyń, Prezıdent Ákimshiligi, Joǵarǵy Sot, Bas prokýratýra, Ádilet jáne Ishki ister mınıstrlikteri men Úkimettik emes uıymdar ókilderiniń, sonymen qatar, Qylmystyq kodeks salasyndaǵy sarapshylardyń qatysýymen «Qylmystyq quqyq pen prosestiń konstıtýsııalyq-quqyqtyq problemalary» taqyrybyna arnalǵan konferensııa uıymdastyrylyp, onda Parlament qaraýyna joldanǵan Qylmystyq jáne Qylmystyq-prosessýaldyq kodeksterdiń jańa oqylymy aıasyndaǵy ózekti máseleler talqylanatynyn aıtty. Al 10-12 qazan kúnderi alǵash ret Qazaqstan men Ortalyq Azııada «ExpoGroup» kompanııasy uıymdastyryp otyrǵan «Astana International Auto Salon - 2013» Tuńǵysh halyqaralyq avtokólik kórmesi ótpek kórinedi. Bul kórmeniń basty maqsaty – tıimdi ári zamanaýı jumys oryndary men joǵary qosymsha qundy óndiristerdi qurý jáne otandyq avtoónerkásipti damytýǵa ınvestısııalar men jańa tehnologııalardy tartý.
Resmı ókilden keıin sóz alǵan Qorshaǵan ortany qorǵaý mınıstri Nurlan Qapparov óz kezeginde aǵymdaǵy jyldyń mamyr aıynda qabyldanǵan «Jasyl ekonomıka» baǵdarlamasymen tanystyrdy. Mınıstr bul baǵdarlamanyń «jasyl tehnologııa», sondaı-aq, «jasyl ekonomıka» jáne «jasyl damý» ustanymdaryn qoldaný jónindegi tájirıbeler jóninde baıandap berdi.
«Jasyl ekonomıkanyń» bir kezeńine Ortalyq Azııa elderi, onda da TMD elderi ǵana emes, sonymen qatar, Mońǵolııa, Aýǵanstan jáne Eýropa keńistigindegi basqa da elder qatysady. «Jasyl ekonomıka» ustanymy áli jandana qoımaǵan postkeńestik keńistik elderi «Jasyl kópir» baǵdarlamasynyń arqasynda «jasyl damýǵa» qaraı birinshi qadam jasaıdy. Bizdiń ekojúıemiz, transshekaralyq ózenderimiz, azyq-túlik qaýipsizdigi, energetıka máselelerimiz ortaq. Sondyqtan da «Jasyl kópir» baǵdarlamasy bolashaqta óńirimizdegi osy máselelerdiń bárin sheshýi tıis. Sátti iske asqan jaǵdaıda, máselen, 10-20 jyldan keıin ol odan ári jahandyq deńgeıge deıin kóterilýi múmkin», dedi N.Qapparov bul oraıda.
Vedomstvo basshysy, sonymen qatar, Qorshaǵan ortany qorǵaý mınıstrliginiń «Astana EKSPO-2017» Ulttyq kompanııasymen birlesip, halyqaralyq mamandandyrylǵan kórmeni ótkizýdiń tujyrymdama jobasyn ázirlegenin, qazirgi ýaqytta jobanyń úzdik eskız-dızaıny sáýlet kesheniniń qorytyndylary shyǵarylǵanyn atap ótti. Onyń aıtýynsha, bul jobaǵa 22 memleketten 49 kompanııa, onyń ishinde Qazaqstannan 20 kompanııa qatysypty.
Buǵan qosa, EKSPO aýmaǵyn kórmeden keıin paıdalaný boıynsha jumys shtaby kurylyp, tirkeý dosesi taraýynyń jobasy ázirlengen eken. Onyń negizinde kórme boıynsha negizgi is-sharalar belgilengen. Bul rette, «Jasyl kópir» seriktestik baǵdarlamasynyń halyqaralyq qoldaýǵa ıe bolǵanyn, 2012 jyly Rıo-de-Janeıroda ótken Birikken Ulttar Uıymynyń Ornyqty damý jónindegi konferensııasynyń qorytyndy qujatyna engenin de aıta ketken jón.
«Biz bir jyl boıy tujyrymdamany ázirledik jáne atqarylatyn jumystyń barysyn tujyrymdadyq. 30 qyrkúıekte ótkizilgen konferensııa osynaý baǵdarlamaǵa bastama boldy. Hartııaǵa qosylǵan segiz eldiń qatarynda Germanııa, Reseı, Qyrǵyzstan jáne Mońǵolııa bar. Baǵdarlamaǵa basqa da elderdi tartý jumysyn jalǵastyra bermekpiz», – dedi vedomstvo basshysy.
Láıla EDILQYZY,
«Egemen Qazaqstan».
