Qazaqstan Respýblıkasy Qorǵanys mınıstrliginde qorǵanys vedomstvosynyń basshysy Ádilbek Jaqsybekov Belarýs Respýblıkasy Memlekettik áskerı-óndiristik komıtetiniń tóraǵasy Sergeı Gýrlevpen kezdesti. Kezdesý Belarýs Respýblıkasynyń Prezıdenti Aleksandr Lýkashenkonyń Qazaqstan Respýblıkasyna resmı sapary sheńberinde ótken bolatyn.
Qazaqstan Respýblıkasy Qorǵanys mınıstrliginde qorǵanys vedomstvosynyń basshysy Ádilbek Jaqsybekov Belarýs Respýblıkasy Memlekettik áskerı-óndiristik komıtetiniń tóraǵasy Sergeı Gýrlevpen kezdesti. Kezdesý Belarýs Respýblıkasynyń Prezıdenti Aleksandr Lýkashenkonyń Qazaqstan Respýblıkasyna resmı sapary sheńberinde ótken bolatyn.
Taraptar áskerı-tehnıkalyq saladaǵy ekijaqty yntymaqtastyqtyń qazirgi jaǵdaıy men keleshegin talqylady. Atalǵan saladaǵy ekijaqty qarym-qatynasty retteýshi jáne onyń damýyna yqpal etetin mańyzdy organ retinde áskerı-tehnıkalyq yntymaqtastyq jónindegi Qazaqstan-Belarýs kishi komıssııasy jumysyna oń baǵa berildi.
Kezdesýde Ádilbek Jaqsybekov:
– Qazaqstan Qorǵanys mınıstrligi Belarýs qorǵanys ónerkásibi keshenderimen yntymaqtastyqty keńeıtýge daıyn. Biz el aýmaǵynda Qazaqstan-Belarýs birlesken kásiporyndaryn salýǵa múddelimiz, – dep atap ótti.
Kezdesýde Qazaqstan Qarýly Kúshteriniń ushaqtaryna belarýs kásiporyndarynda, sondaı-aq Astanada salynatyn avıasııalyq-tehnıkalyq ortalyqta tehnıkalyq qyzmet kórsetý boıynsha yntymaqtastyqty odan ári damytý talqylandy.
Ádilbek Jaqsybekov pen Sergeı Gýrlev Qazaqstan-Belarýs ekijaqty áskerı-tehnıkalyq yntymaqtastyq pen ózara is-qımyldardy belsendilendirý týraly áńgimelesti.
«Egemen-aqparat».
