Anyqtalǵan buzýshylyqtar joıylǵanǵa deıin Iran týyn kóterip turǵan 1 kemege porttan shyǵýǵa tyıym salynǵan.
"Kemelerdi tekserý barysynda buzýshylyqtardy joıý týraly 1 uıǵarym berildi. Tekserý qorytyndysy boıynsha 9 ákimshilik quqyq buzýshylyq anyqtalyp, 137 858 teńgege aıyppul salyndy. Sonymen qatar, bıylǵy 5 aıda aýmaqtyq organdar paıdalanýdaǵy ózen kemelerine 79 tekserý júrgizdi. Olardyń nátıjeleri boıynsha 25 uıǵarym berildi. Keme reestrinde barlyǵy 759 ózen kemesi tirkelgen. Sondaı-aq, osy kezeńde ózen flotynyń komandalyq quramynyń 45 tulǵasyna dıplom berilip, 14 tulǵasy attestattalǵanyn atap ótý qajet. Sonymen qatar, jyl basynan beri respýblıka boıynsha 319 shaǵyn ólshemdi keme tirkelgen. Aǵymdaǵy jyldyń 5 aıynyń qorytyndysynda shaǵyn ólshemdi flotta aýmaqtyq organdar 268 kemeni qarap shyqty. Jalpy, osy merzimde sý kóligi salasynda 5 kólik oqıǵasy tirkeldi, onyń ishinde 2 teńiz jáne 3 shaǵyn ólshemdi flotta boldy. Sondaı-aq, sý kóliginde baqylaýdy júzege asyrý kezinde 66 ákimshilik quqyq buzýshylyq anyqtalyp, 527 542 teńge kóleminde aıyppul salynyp, óndirip alyndy", - delingen vedomstvanyń baspasóz qyzmeti taratqan málimette.
