Onlaın kezdesýge Indýstrııa jáne ınfraqurylymdyq damý mınıstrligi avtomobıl joldary komıtetiniń, Ishki ister mınıstrligi Ákimshilik polısııa komıtetiniń, Bas prokýratýra Quqyqtyq statıstıka jáne arnaıy esepke alý organdarynyń, sondaı-aq "Jol aktıvteri sapasy ulttyq ortalyǵynyń" RMK, QazjolǴZI" AQ, "Qazaq jol qozǵalysy qaýipsizdigi ǵylymı-zertteý ınstıtýty" JShS jáne "Qazaqatojol" JShS ókilderi qatysty.
Mamandardyń aıtýyna qaraǵanda, elimizde tótenshe jaǵdaıdy engizý joldardaǵy apattylyq deńgeıiniń tómendeýine septigin tıgizdi. Osy rette 2020 jyldyń 5 aıynda JKO oqıǵalarynyń sany 15% tómendep, 638 oqıǵany qurady. О́tken jyly bul kórsetkish 747 oqıǵany quraǵan bolatyn. Sonymen qatar apattardyń saldarynan mert bolǵandardyń sany 35%, jaraqat alǵandardyń sany 23% azaıǵan. Alaıda avtokólikterdiń qozǵalysyna qoıylǵan shekteýdiń alynýy kólik aǵynynyń kúrt artýyna, apattylyq deńgeıiniń de ósýine sep boldy. Júrgizilgen monıtorıngtiń nátıjesinde belgili bolǵandaı, tek bir apta ishinde, ıaǵnı 1 jáne 7 maýsym aralyǵynda halyqaralyq jáne respýblıkalyq mańyzy bar avtomobıl joldarynda 29 JKO oryn alǵan. Apattardyń saldarynan 16 adam kóz jumyp, 50 adam jaraqat aldy.
Jıynǵa qatysýshylar jol qaýipsizdigi jónindegi vedomstvoaralyq komıssııa men sarapshylardan quralǵan jumys tobyn qurý týraly sheshim qabyldady. Budan bólek, belgili bir jol ýchaskelerinde qozǵalys 2+1 tıpi boıynsha uıymdastyrylsa, qaýiptiligi joǵary jol ýchaskelerinde metall qorshaýlardyń ornyna symarqannan jasalǵan qorshaýlar ornatylǵan.
Munymen qosa, ushaq jáne poıyz apattaryn tergeý analogııasy boıynsha Qazaqstan joldarynda jol ınfraqurylymy men kólik quraldarynyń konstrýksııasy elementteriniń JKO-ǵa áserin anyqtaý maqsatynda apattardy ınjenerlik-tehnıkalyq tekserý jáne taldaý jónindegi arnaıy komıssııalar qurylatyn bolady. Budan basqa, jol qozǵalysyn baqylaýdyń avtomattandyrylǵan júıeleri quqyq buzýshylyqtar týraly derekterdi berý jáne jazanyń bultartpastyǵy qaǵıdatyn qamtamasyz etý úshin ákimshilik quqyq buzýshylyqtardyń biryńǵaı tizilimimen biriktiriletin bolady.
Kezdesýge qatysýshylar Qazaqstan joldaryndaǵy apattylyq deńgeıin tek birlesken kúsh-jiger men úılestirilgen jumys qana tómendetýge múmkindik beretinin atap ótti.
