Ýılıams myrza ekonomıkany qaıta qalpyna keltirýge bolatynyna senimdi. Sebebi ortalyq banktiń qazirgi saıasaty el ekonomıkasyn jyl basyndaǵy kórsetkishke qaıta jetkizýge baǵyttalǵan. Ashyq naryqtaǵy operasııalar jónindegi federaldyq komıtettiń vıse-tóraǵasy qyzmetin qosa atqaratyn Ýılıams myrza Federaldyq rezervtik júıeniń el ekonomıkasyn qalpyna keltirýdiń barlyq qoljetimdi quraldaryn qarastyratynyn aıtty. Ol sondaı-aq Úkimet tarapynan turaqty qoldaý qazirgi sharalardyń tıimdiligin odan ári arttyratynyna senimdi. Daǵdaryspen kúreste Federaldyq rezervtik júıe maqsatty mólsherlemeni nólge deıin tómendetip, nesıe qunynyń biraz ýaqyt tómen bolatynyn málimdedi. Bank odan bólek oblıgasııalardy kóptep satyp ala bastaǵan jáne ekonomıkanyń iri sektorlaryna nesıe berýdi qolǵa alǵan.
Al ótken sársenbi kúni onlaın kezdesýde Federaldyq rezervtik júıeniń basshysy Sent-Lýısa Djeıms Býllard bul ekonomıkalyq qıyndyq ári qaraı jalǵasa beretin bolsa, saldary aýyr bolýy múmkin ekenin aıtty. Ol sonymen birge ınflıasııanyń ósýine kúmánmen qaraıdy. Býllard myrza Federaldyq rezervtik júıeniń sharalary men qysqa jáne uzaq merzimdi nesıelerdi baqylaý sheshimine de baǵa berdi. Ol sarapshylardyń mólsherlemeler áli de uzaq ýaqyt boıy tómen bolatynyna senimdiligin alǵa tarta otyryp, Ortalyq banktiń stavkalardyń boljamyn basshylyqqa alýy úshin esh negizdiń joqtyǵyn atap ótti. Ol óz sózinen keıin qoıylǵan suraqtardyń birine qysqa jáne uzaq merzimdi nesıelerdi baqylaý máselesi áli de zertteýdi talap etetinin aıtyp, dál qazir bul strategııany júzege asyrýdy qısyndy dep eseptemeıtinin jetkizdi.
