Qazirgi kezde jankúıerler Tursynbaı Qulahmet pen Talǵat Sháıkenniń sharshy alańǵa shyǵýyn taǵatsyzdana kútýde. Osyǵan deıin ekeýi de áýesqoılar arasynda ózderiniń myqtylyǵyn moıyndatyp úlgerdi. 26 jastaǵy Tursynbaı byltyr Azııa chempıony atanyp, álem chempıonatynda qola medaldi ıelendi. Onyń aldynda Syr boıynyń saıypqyrany Dúnıejúzilik Ýnıversıadada top jardy.
Talǵat ta qara jaıaý emes. Jasóspirimderdiń Dúnıejúzilik oıyndarynda kúmis medaldi enshilep, jastar arasynda Azııa chempıony atanǵan 19 jastaǵy aqmolalyq arlan eresekter dýyna da erkin qosyldy. Byltyr ol Qazaqstan Respýblıkasy Spartakıadasynda bas júldeni oljalap, Nur-Sultanda ótken Prezıdent kýbogy jolyndaǵy jarys pen Býdapeshtegi halyqaralyq týrnırde kúmis medaldi moınyna ildi. Endi olar kásipqoı rıngtegi ózderiniń tusaýkeser kezdesýlerin ótkizbek.
Joǵaryda esimderi atalǵan qos qyrannan bólek, Abaı Tólesh (5-0, 3 KO), Dáýren Eleýsinov (8-0-1, 7 KO), Arman Rysbek (7-0, 6 KO), Berikbaı Nurymbetov (5-0, 1 KO), Nurdos Tólebaı (2-0, 1 KO) jáne Raı Seıtjanov (2-0) syndy bylǵary qolǵap sheberleri Almatyda ótetin boks keshinde óner kórsetedi. Belarýstiń eń úzdik bapkeri – Andreı Skabelka.
