• 08 Qazan, 2013

Aqtaýda alyptardyń aıqasy boldy

375 ret

kórsetildi

3 mın

oqý úshin

Egemen Qazaqstan

07-10-13-aktau-sila-1

Mańǵystaý oblysynyń ortalyǵy – Aqtaý qalasynda Qazaqstandaǵy eń kúshti adamdardy anyqtaýǵa arnalǵan aıryqsha týrnır bolyp ótti. Bul týraly «Týmba.kz» portaly habarlady. Sport tilinde «strongen» dep atalatyn bul jarysqa Aqtaý, Jańaózen, Atyraý, Almaty jáne Astana qalalarynan kelgen alyptar qatysty. Qara kúshtiń qarymyn tanytatyn saıysta olar birneshe kezeńnen turatyn synaqtardan ótti.Eń úzdik stromen ataǵyn jeńip alýǵa úmitkerlerge alty kezeńnen turatyn saıys usynyldy. Kúshtilerdiń básekesine Mańǵystaý oblysy bodıbıldıng jáne fıtnes federasııasynyń prezıdenti Anatolıı Jdanov, ýkraınalyq Vladımır Reksha, atyraýlyq Sergeı Peredıstyı qazylyq jasady. Sportshylar negizgi básekege deıin armrestlıng, ıaǵnı qol kúresi boıynsha bir-birlerin synap kórdi. Sodan soń salmaǵy 320 kg bolatyn úlken shınany alty márte aýdaryp tastaý boıynsha kúsh synasty. Kelesi kezekte árbiriniń salmaǵy 820 kg bolatyn eki qapty 20 metr qashyqqa toqtamastan alyp barý básin bastan keshirdi. Munyń bárinde ýaqyt ta esepteldi. Olardyń qorytyndysynda jas peri Dmıtrıı Naranov (joǵaryda) bárinen artyq kórindi. Saıysshylar budan soń bórene kóterýden jáne «fermerdiń shabadanyn» alyp júrýden shamalaryn baıqatty. Bulardyń aldyńǵysy túsinikti, al ekinshisi árbiri 120 kılo keletin temir jáshikti 40 metrge tezdetip aparýdy megzeıdi. Osylardyń sońynan «ıinaǵashty» almastyrý jattyǵýy oryndaldy. Bularda da eshkim D.Naranovtyń aldyna túse alǵan joq. Al ıinaǵash dep otyrǵany - salmaǵy 320 kg bolatyn beltemir. Ony ıyqta oınatyp, 20 metr jerge júgirip barý kerek. Munda da D.Naranov alda boldy. Oǵan álgindegi qashyqtyqty alý úshin 10 sekýnd jetip jatty. Al eń sońynan 250 kılolyq átkenshekti aınaldyrý saıysy kútip turdy. Ony Dmıtrıı Eskov – úsh, Roman Kýshıanov – bes, al Dmıtrıı Naranov segiz ret aınaldyrdy. Sonymen, qorytyndyda Dmıtrıı Naranovtyń jeńimpaz atanǵany eshkimniń kúmánin týdyrmady. Ekinshi orynǵa Roman Kýshıanov shyqsa, úshinshi beketke Andreı Pıvovar ornalasty. Munyń arǵy jaǵyndaǵy oryndar bylaı bóliske tústi: 4 - Alekseı Pısarevskıı, 5- Maqsat Aqshýaqov, 6 – Dmıtrıı Eskov, 7 – Aryslan Súıinshálıev, 8 – Marat Dosanov, 9 – Artýr Saparnııazov. Endi bas júldeger D.Naranov týraly birer sóz. Onyń bul salaǵa kelgenine 9 jyl bolypty. Maqsaty aryqtaý bolǵan. Sál keıin kúsh ekstrımine aýysqan. Byltyr osyndaı saıysqa birinshi ret kelip, úshinshi bolǵan eken. Sondaı-aq ótken jyly strongmen boıynsha álemdik jarysqa qatysyp, planetanyń 12-shi kúshti adamy atanypty. Jeńimpazdar men júldegerlerge baǵaly jáne aqshalaı syılyqtar berildi. Mine, Qazaqstannyń Mańǵystaýda anyqtalǵan qazirgi zamanǵy alyptary osylar. Sultan Bozaıǵyr. Sýretter "Týmba.kz" saıtynan alyndy. 07-10-13-aktau-sila-3