Daǵystannyń Chabanmahı aýylyndaǵy Mırzaevtardyń úıinde zattar saǵat saıyn janatyn kórinedi. Bul týraly Paranormal-news.ru habarlady.
Bir qyzyǵy, aýyl turǵyndarynyń aıtýy boıynsha, ol úıdegi jıhaz bitken qaraptan-qarap turyp, ózinen ózi jana salady eken. Jáne onyń sebebi de áli anyqtalǵan joq.
Osyndaı ózdiginen janýy saldarynan úıdiń janyndaǵy saraı tolyǵymen órtenip ketken. Úı ıesiniń aıtýy boıynsha, ol birinshi ret 1 qyrkúıekte janǵan. Sodan beri ot qaıta tutanyp, ony bes ret óshirýge týra kelgen.
Saraıǵa gaz nemese elektr qurylǵylary qosylmaǵan. Sol sebepti úı ıeleri basynda oǵan bireýler ot qoıǵan shyǵar dep oılaǵan. Biraq, artynsha kútpegen jerden úıdiń qabyrǵalary, ústel men perdeler taǵy jana bastaıdy. Onyń qalaı tutanǵanyn, biraq, eshkim baıqamaǵan.
Qazir atalmysh úıdi órt sóndirýshiler kúndiz-túni kúzetip otyr. Olar basynda jıhazdyń ózdiginen janyp ketetinine senbegen. Sosyn jaǵdaıdy zertteý úshin oqıǵa ornyna órt zerthanasy men gaz qyzmetiniń mamandary shaqyrylǵan. Alaıda, ottyń neden bolǵanyn olar da túsindirip bere almaǵan.
Osylaısha Mırzaevtar úıindegi túsiniksiz ot sheshýi qıyn jumbaq bolyp tur. Aıtqandaı, birde Mırzaevtyń úlken qyzy Amınattyń túsinde bir shal kelip, oǵan: «Barlyǵyń zattaryńdy jınap, basqa jaqqa kóshińder, áıtpese úı tolyq órtenip ketedi», – degen eken. Qyz muny anasyna aıtady. Sosyn otbasy jınalyp, úıdi tastap shyǵady. Sodan keıin ǵana ondaǵy tutaný sap tıylady. Alaıda, endi úısiz qalǵan otbasy qaıda bararyn bilmeı dal bolyp júr. Al aýyldyń ortasynda qańyrap qalǵan úı jergilikti turǵyndar úshin sol kúıi jumbaq bolyp qaldy.
Aıdar О́risbaev.
