Sýbsıdııalanatyn jumys oryndaryna 85,4 myń adam jumysqa ornalastyryldy, onyń ishinde: áleýmettik jumys oryndaryna – 12,6 myń, jastar praktıkasyna – 10,6 myń, qoǵamdyq jumystarǵa – 62,2 myń adam.
Eńbek resýrstarynyń utqyrlyǵyn arttyrý úshin aǵymdaǵy jylǵy 1 maýsymdaǵy jaǵdaı boıynsha jumys kúshi artyq ońtústik óńirlerden 691 otbasy quramynda 2 445 adam qonys aýdardy.
Tehnıkalyq jáne kásiptik bilim berý (budan ári – TjKB) uıymdarynda 52,5 myń adam oqýyn jalǵastyrýda, olar stıpendııamen, bir ret ystyq tamaqpen jáne jol júrýge materıaldyq kómekpen qamtamasyz etilgen. Aǵymdaǵy jyly TjKB júıesinde 21 myń adamdy oqýmen qamtý josparlanýda.
2020 jylǵy 1 maýsymdaǵy jaǵdaı boıynsha qysqa merzimdi oqytý kýrstaryna 1,5 myń adam jiberildi, jyl sońyna deıin osy sharamen 16,8 myń adamdy qamtý josparlanýda.
Jyl basynan beri Memlekettik baǵdarlama aıasynda jappaı kásipkerlikti damytýǵa 10,4 mlrd. teńgege 2 179 mıkrokredıt berildi, onyń ishinde 1 963 mıkrokredıt aýyl kásipkerlerine berildi, olar 2 206 jumys ornyn qurdy.
Sondaı-aq, baǵdarlamaǵa qatysýshylarǵa jańa bıznes-ıdeıalardy iske asyrýǵa 200 AEK-ke deıingi mólsherde 24 myń memlekettik grant beriledi. Aǵymdaǵy jyldyń 1 maýsymyna 5,3 myń memlekettik grant berildi.
Budan basqa, 30 myń adam "Bastaý Bıznes" jobasy boıynsha kásipkerlik negizderine oqytylady.
