Qoǵam • 18 Maýsym, 2020

Birgemiz qoryna taǵy 10 mıllıon dollar tústi

75 ret kórsetildi

Elbasy, Nur Otan partııasynyń Lıderi Nursultan Nazarbaevtyń bastamasymen halyqtyń áleýmettik jaǵynan álsiz tobyna qoldaý kórsetý úshin qurylǵan Birgemiz qoryna qosymsha taǵy 4 mlrd teńge tústi. Bul qarajat asa muqtaj otbasylarǵa kómek kórsetýdi jalǵastyrýǵa múmkindik beredi, - dep habarlaıdy Egemen.kz.

Qor tóraǵasy Rýslan Sakeevtiń málimdeýinshe, qarajat qoǵam ómirine beıjaı qaramaıtyn tórt azamattan túsken. Olar óz esimderin atamaı-aq qoıýdy qalaǵan. Jalpy, Elbasynyń úndeýine qoldaý bildirgen mesenattardyń arqasynda Birgemiz qorynyń esepshotynda 28,5 mlrd teńgeden astam qarajat jınaqtalǵan.

Tuńǵysh Prezıdenttiń tapsyrmasy boıynsha osy qarajat esebinen búgingi tańda 470 myńnan astam otbasy nemese 1,6 mln qazaqstandyq ataýly kómekpen qamtyldy. 23 qalanyń jáne olarǵa irgeles aýyldar men eldi mekenderdiń asa muqtaj otbasylary 50 myń teńgeden birjolǵy tólemaqy aldy.

Sonymen birge koronavırýspen kúreske jumyldyrylǵan 2 myńnan astam medısına qyzmetkeri de qor qarajatynan 50 myń teńgeden aldy.

Jas Otan volonterlary qorǵanysy álsiz 100 myńnan astam otbasyǵa Birgemiz qorynyń qarajatyna satyp alynǵan 5 mıllıon maskany tegin jetkizip berdi.

Sonymen qatar Nursultan Nazarbaevtyń bastamasy boıynsha Túrkistan oblysynyń Maqtaaral aýdanynda sý basýdan zardap shekken Dostyq aýylynyń turǵyndaryna arnalǵan jańa úılerdiń qurylysy júrgizilip jatyr.

Sońǵy jańalyqtar

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Uqsas jańalyqtar