Bıyl Ońtústik Qazaqstan oblysynda Indýstrııalandyrý kartasyna engizilgen, jalpy somasy 448 mlrd. teńgeni quraıtyn 150 joba júzege asyrylyp, sonyń arqasynda oblys aýmaǵynda 19 myń jańa jumys orny ashylady. Ústimizdegi jyldyń ekinshi jartyjyldyǵynda oblystan Indýstrııa jáne jańa tehnologııalar mınıstrligine jalpy somasy 600 mlrd. teńgeni quraıtyn 104 joba qosymsha jiberildi.
Bıyl Ońtústik Qazaqstan oblysynda Indýstrııalandyrý kartasyna engizilgen, jalpy somasy 448 mlrd. teńgeni quraıtyn 150 joba júzege asyrylyp, sonyń arqasynda oblys aýmaǵynda 19 myń jańa jumys orny ashylady. Ústimizdegi jyldyń ekinshi jartyjyldyǵynda oblystan Indýstrııa jáne jańa tehnologııalar mınıstrligine jalpy somasy 600 mlrd. teńgeni quraıtyn 104 joba qosymsha jiberildi.
Osy baǵdarlamanyń aıasynda ótken aptada kondıterlik ónimder shyǵaratyn «Barys 2007» JShS fabrıkasynyń ashylý rásimi ótti. Bir aıta keterligi, 2009 jyly bul kásiporynda Elbasy N.Nazarbaevtyń qatysýymen makaron ónimderin shyǵaratyn jeli iske qosylǵan bolatyn. Atalǵan jeliniń qýattylyǵy saǵatyna 3500 kg. nemese jylyna 25 000 tonna makaron ónimderin shyǵarady. Sol joly bul fabrıkada 150 jańa jumys orny qurylǵan edi. Sodan keıin 2011 jyly qýattylyǵy jylyna 11 000 tonna makaron ónimderin shyǵaratyn ekinshi jeli iske qosyldy. Kásiporyndaǵy qural-jabdyqtar ıtalııalyq «Pavan Mapimpiati S.P.A.» mekemesinen jetkizilgen. Ekinshi jeli uzyn makaron ónimderin shyǵarýǵa múmkindik berip, 40 jańa jumys orny quryldy. Sapasynyń jaqsylyǵynan bolar «Barys 2007» JShS shyǵaratyn ónimder az ýaqyttyń ishinde Qazaqstannyń ishki naryǵy men TMD elderinde úlken suranysqa ıe boldy. Atap aıtar bolsaq, «Madına» taýar belgisimen shyǵatyn makaron ónimderi sapasy men dámdiligi jaǵynan 2010-2011 jyldary Reseıdiń «Prodekspo» halyqaralyq kórmesinde «Úzdik taýar» belgisimen marapattalyp, 2010 jyly «Qazaqstannyń úzdik ónimi» atandy.
– Bizdiń ónim barlyq sapa júıelerine saı keledi, – deıdi kásiporynnyń bas dırektory Azat Qarajanov. – Bıyl ónim túrlerin ulǵaıtý maqsatynda kondıterlik ónimderdi shyǵaratyn jelini iske qosýdamyz. Atalǵan jeliniń qýattylyǵy saǵatyna 700-1000 kg. pechene, sonymen qatar «Tarallı» jáne «Torchettı» ónimderi shyǵarylady. Tátti ónimderdi shyǵaratyn qural-jabdyqtardyń jalpy quny 7 mln. AQSh dollaryn quraıdy.
Atalǵan fabrıkada ıtalııalyq «IMAFORNI» kompanııasynyń úzdik jelisi iske qosylǵan. Bul jeli joǵary sapaly, pishini men dámi tutynýshynyń kóńilinen shyǵatyn kondıterlik ónimderdi shyǵarýǵa múmkindik beredi. Sonymen qatar, kásiporynda jańa 80 jumys orny ashyldy.
– Kásipkerlerge qyzmet kórsetý ortalyǵy «Barys 2007» JShS-ǵa «Bıznestiń jol kartasy-2020» baǵdarlamasy aıasynda jeńildikpen qarjy alýǵa kómek kórsetti, – deıdi OQO KQKO dırektory Nurjan Altaev. – Bul mekemege kondıterlik ónimderdi shyǵaratyn jańa jelini iske qosýǵa 532 mln. teńgeni jyldyq 7 paıyzben ATF banki arqyly qarjy alýǵa, sondaı-aq ST-1 sertıfıkatyn rásimdep berdi. Atalǵan sertıfıkat kásipkerlerge kedendik jeńildikterge ıe bolýǵa múmkindik beredi.
Kondıterlik fabrıka tolyq iske qosylǵanda mekemede 270-ke jýyq jańa jumys orny ashylady dep josparlanýda. Al tolyq ınvestısııa kólemi 27 mln. AQSh dollaryn quraıdy.
Oralhan DÁÝIT,
«Egemen Qazaqstan».
Ońtústik Qazaqstan oblysy.
________________________
Sýretterdi túsirgen Arman ÁBDIRAShULY.
