Testileýdiń ashyqtyǵy men obektıvtiligin qamtamasyz etý úshin Bilim jáne ǵylym mınıstrliginiń buıryǵymen elimizdiń barlyq aımaqtarynda jumys toby quryldy. Onyń quramyna arnaıy monıtorıng top, "Adaldyq alańy" jobalyq keńsesiniń ókilderi jáne Sybaılas jemqorlyqqa qarsy is-qımyl agenttigi qyzmetkerleri kirgen. Bul toptyń negizgi maqsaty testileýdiń taza ótkýi baqylaý bolyp tabylady.
Agenttik qyzmetkerleriniń habarlaýynsha, áleýmettik jelilerde, WhatApp messendjerlerindegi ata-analar toptaryna uıymdastyrylǵan monıtorıng nátıjesimen Ulttyq biryńǵaı testileýden oń kórsetkishke qol jetkizýge "kómekteskisi" keletin belgisiz azamattar anyqtalýda eken. Osyǵan baılanysty Agenttik oqýshylardy tek óz bilimine súıene otyryp, test tapsyrýǵa shaqyrady. Al, ata-analardy testileý qorytyndysy boıynsha oń baǵa alý maqsatynda para bergeni úshin qylmystyq jaýapkershilik jáne bas bostandyǵynan aıyrý kózdelgenin eskertedi. Agenttik eger, azamattar osyndaı jaǵdaıǵa tap bolsa, sybaılas jemqorlyqqa qarsy 1424 call-ortalyqqa qońyraý shalý qajettigin habarlady.
Jalpy, Agenttik Bilim jáne ǵylym mınıstrligimen birlesip parasattylyq pen akademııalyq adaldyq ıdeologııasyn ilgeriletý boıynsha belsendi jumys júrgizýde.
