Sarapshylardyń basty qorytyndysy - Ekologııa mınıstrligi men ákimdikter arqyly memleket tanystyratyn jáne iske asyratyn erekshe qorǵalatyn tabıǵı aýmaqtardy damytý strategııalary men josparlary álemdik standarttarǵa ǵana emes, sonymen qatar tabıǵı obektilerdi qorǵaýdyń mańyzdylyǵyna da sáıkes kelmeıtinin alǵa tartty.
"Biz ekotýrızm dep (ekologııalyq týrızm) qorshaǵan ortany qorǵaıtyn jáne jergilikti halyqtyń ál-aýqatyn jaqsartatyn tabıǵı aýmaqtardaǵy jaýapty týrızmdi (www.ecotourism.org) nemese qorshaǵan ortany qorǵaýdy, jergilikti qoǵamdastyqtardy jáne turaqty saıahattardy biriktirý degen klassıkalyq aıqyndaýdy negizge alamyzı, - deıdi saraptamalyq keńestiń músheleri.
"Jasyl qutqarý" EQ tóraǵasy Sergeı Kýratov ekologııalyq týrızm dep qorshaǵan ortany qorǵaıtyn jáne jergilikti halyqtyń ál-aýqatyn jaqsartatyn tabıǵı aýmaqtardaǵy jaýapty týrızmdi (www.ecotourism.org) nemese qorshaǵan ortany qorǵaýdy, jergilikti qoǵamdastyqtardy jáne turaqty saıahattardy biriktirý degen klassıkalyq aıqyndaýdy negizge alatynyn aıtyp ótti.
"Ile-Alataý MUTP ornalasqan aýmaq Almaty aglomerasııasyn ómirlik qajetti ekologııalyq qyzmettermen qamtamasyz etetin kúrdeli ekologııalyq júıe bolyp tabylady. Búgingi tańda ulttyq parktiń tabıǵatty qorǵaý jáne týrıstik mindetteri arasynda aıtarlyqtaı alshaqtyq bar, bul oılastyrylmaǵan, asyǵys jáne tabıǵatqa zııan keltiretin sheshimder qabyldaýǵa ákeledi", dep aıtyp ótti "Jasyl qutqarý" EQ tóraǵasy Sergeı Kýratov.
Eko belsendi Vadım Nı Ulttyq parkterde uzaq merzimdi jalǵa alýǵa arnalǵan tenderler júıesiniń ózi birneshe jyldan beri sarapshylar qaýymdastyǵy tarapynan synǵa ushyraıtynyn, osyǵan baılanysty ekotýrızmdi ilgeriletýge múddeli kompanııalarda kóptegen suraqtar týyndaıtynyn tilge tıek etip ótti. "Rekreasııalyq júktemelerdi, obektilerdi jaılastyrý men paıdalanýdyń qatań ekologııalyq normalaryn saqtaý boıynsha ınvestorlardyń jobalaryna aıqyn jáne naqty talaptar joq", - deıdi ol.
"Kók Jaılaýdy saqtaıyq" tobynyń músheleri tabıǵı aýmaqtarda ekotýrızmniń damýyna qarsy emes, biraq eń aldymen Ulttyq park aýmaǵynda týrızmdi basqarýdyń tıimdi júıesin qurý qajet dep sanaıdy.
Týrızmge tikeleı qatysty mańyzdy máselelerdiń biri rekreasııalyq júktemeni esepteý jáne quqyqtyq tártipti saqtaý jáne qorǵaý qyzmetterin (reındjerlerdi) qurý (nyǵaıtý), bul qyzmetke Ulttyq parkterde tártip erejelerin buzǵany úshin kelýshilerge aıyppul salý jáne jazalaý quqyqtaryn berý bolyp tabylady. Ulttyq parkti basqarý júıesin qurýǵa sarapshylyq qoǵamdastyqty jáne quzyretti qoǵamdy tartyp, Qoǵamdyq keńesterdiń jumysyna qatysý múmkindigin berý kerek.
