Iá, sońǵy kúnderi Túrkistan qalalyq ortalyq aýrýhanasyna tumaýdyń belgilerimen dárigerlik kómekke azamattar jıi júginýde. Naýqastarda dene qyzýynyń kóterilýi, jótel jáne álsizdik baıqalǵan. Medısınalyq tekserý nátıjesinde olardan pnevmonııa, ıaǵnı ókpeniń qabynýy anyqtalyp otyr. Tekserý barysynda naýqastardan koronavırýs ınfeksııasyna teris nátıje shyqqan. О́ńirlik kommýnıkasııalar qyzmetinde ótken brıfıngte oblystyq qoǵamdyq densaýlyq basqarmasynyń basshysy Marat Pashımov aýrýhanaǵa túsken azamattardan shuǵyl túrde Covid-19 ınfeksııasyna taldama alynatynyn málim etti. Taldama anyqtalǵanǵa deıin olar provızorlyq bólimde em qabyldap, teris nátıjesi shyqqandary aýrýhana bólimderine jatqyzylyp, tıisti emderin qabyldaýda.
«Statıstıka boıynsha qazirgi tańda Túrkistan oblysyndaǵy aýrýhanalarda 303 naýqas pnevmonııadan em qabyldaýda. Jalpy, 87 azamat jazylyp shyqqan. Sondaı-aq áleýmettik jelilerde aýrýhanalarda oryn jetispeýshiligi týraly qaýeset tarady. Bul aqparat ta shyndyqqa janaspaıdy. Aýrýhanalarda naýqastarǵa tósek-oryn jetkilikti. Kentaý qalalyq ortalyq aýrýhanasynda 50 oryndyq somatıkalyq bólimshe qaıta daıarlandy. Túrkistan qalalyq ortalyq aýrýhanasynda da qosymsha 30 tósek-oryn ázirlengen. Oryn alǵan jaǵdaıǵa baılanysty naýqastardy josparly jatqyzýlarǵa shekteý qoıylǵan. Jeke klınıkalar da ózderine bekitilgen turǵyndarǵa tıisti medısınalyq qyzmet kórsetedi», dedi M.Pashımov.
Sondaı-aq oblystyń bas dárigeri óńir turǵyndaryn qarantın rejimin saqtap, ınfeksııanyń taralýyna jol bermeýge shaqyrdy. Medısınalyq betperde taǵyp, antıseptıkalyq zattardy únemi qoldanýǵa jáne eki metr qashyqtyqty saqtaı otyryp, qaýipsizdik sharalaryn qadaǵalaýdy eskertti.
Al oblystyń bas sanıtar-dárigeri Nurbek Nyshanov karantın rejimi oblys aýmaǵynda epıdemııalyq ahýal turaqtanǵan kezeńge deıin jalǵasatynyn aıtty.
«Epıdemııalyq ahýal turaqtanýy úshin ósim 1 apta kóleminde 5%-dan aspaýy qajet. Eger ósim 2%-dan aspasa, qosymsha jeńildikter engizilýine negiz bolady. Al ósim kórsetkishi tómendemegen jaǵdaıda karantındik talaptar qaıta kúsheıtiledi. Turǵyndarǵa qarapaıym saqtyq sharalaryna erekshe nazar aýdarylýy tıis ekenin eske salamyz», dedi Nurbek Sadyqbekuly.
Oblystyń bas sanıtar-dárigeri otbasylyq, oıyn-saýyq, sporttyq jáne basqa da buqaralyq is-sharalardy ótkizýge, saýda oıyn-saýyq ortalyqtary janyndaǵy balalardyń oıyn alańdary, kınoteatrlardyń, teatrlardyń, kórmelerdiń, túngi klýbtardyń, batýt jáne fýdkorttardyń jumysyna, mal bazarlarynyń qyzmetine tyıym salynǵanyn aıtty. Karantın rejimin jáne shekteý sharalaryn saqtamaǵan tulǵalarǵa elimizdiń zańnamasynda belgilengen talaptarǵa sáıkes, ákimshilik jaýapkershilikke tartý boıynsha shara qoldanylatynyn eskertti.
Nurbek Nyshanovtyń aıtýynsha, Túrkistan oblysy boıynsha koronavırýs indetin juqtyrǵan 594 jaǵdaı tirkelgen. Aýyrǵandardyń 7- i qaıtys bolyp, 265 adam jazylyp shyqqan.
Iаǵnı Túrkistan qalasyndaǵy jaǵdaıǵa qatysty WhatsApp áleýmettik jelisinde taratylǵan aqparattar jalǵan bolyp shyqty. Osy oraıda oblys ákimdigi turǵyndardy resmı rastalmaǵan aqparattardy qabyldamaýǵa jáne taratpaýǵa shaqyrdy.
Túrkistan oblysy
