Týý týraly kýálikti qorǵaýǵa qoıylatyn talaptardy bekitý týraly
2013 jylǵy 17 maýsym Astana,Úkimet Úıi
Týý týraly kýálikti qorǵaýǵa qoıylatyn talaptardy bekitý týraly
«Jeke basty kýálandyratyn qujattar týraly» 2013 jylǵy 29 qańtardaǵy Qazaqstan Respýblıkasynyń Zańy 25-babynyń 2) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan týý týraly kýálikti qorǵaýǵa qoıylatyn talaptar bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 17 maýsymdaǵy № 601 qaýlysymen bekitilgen
Týý týraly kýálikti qorǵaýǵa qoıylatyn talaptar
1. Týý týraly kýálik blankisinde Qazaqstan Respýblıkasynyń Memlekettik Eltańbasy beınelenýge tıis.
2. Týý týraly kýálik blankisinde ekijaqty mór bolady. Týý týraly kýálik blankisi qazaqtyń oıýlary, órnekteri qoldanylyp jasalǵan (aýdanynyń keminde 30 %-y) jıekti ramkadan jáne tangerlik tordan turady.
3. Mindetti qorǵanysh elementi retinde bıiktigi 250 mkm-den aspaıtyn mıkroshrıft, sondaı-aq gıloshtyq elementter paıdalanylady. Grafıkalyq elementterde syzyqtyqtan (shtrıhtik) basqa beınelik qurylymdar bolmaıdy.
4. Týý týraly kýálik blankisi túpnusqa sýtamǵy belgisi, arnaıy qorǵanysh daqtary bar, aqtyǵy 94-96 %, quramynda maqta nemese zyǵyr talshyǵynyń mólsheri joǵary sapaly qaǵazda jasalady, tyǵyzdyǵy – 100-120 g/m . Beıneliligi – mórdiń ár jaǵynda kem degende 4 boıaý paıdanylady. Bul rette temperatýranyń áserinen óziniń túsi men qanyqtyǵyn ózgertpeıtin, túrli tústi kóshirmeleýge kedergi keltiretin pasteldi qospalary bar boıaýlar paıdalanylýy qajet.
5. Týý týraly kýálik blankisinde qatty muqaba jáne syrtynda ataýy jazylǵan býmvınıldi qaptama bolýy, birjaqty móri bar japsyrylǵan qosymsha paraq bolýy tıis.
6. Týý týraly kýálik blankisinde jeti mándi nómir bolady.
