2013 jylǵy 2 shilde Astana, Úkimet Úıi
«Sáıkestendirý nómirleriniń ulttyq tizilimderin jasaý, júrgizý jáne paıdalaný erejesin bekitý týraly» Qazaqstan Respýblıkasy Úkimetiniń 2007 jylǵy 27 sáýirdegi № 343 qaýlysyna ózgerister men tolyqtyrýlar engizý týraly
2013 jylǵy 2 shilde Astana, Úkimet Úıi
«Sáıkestendirý nómirleriniń ulttyq tizilimderin jasaý, júrgizý jáne paıdalaný erejesin bekitý týraly» Qazaqstan Respýblıkasy Úkimetiniń 2007 jylǵy 27 sáýirdegi № 343 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Sáıkestendirý nómirleriniń ulttyq tizilimderin jasaý, júrgizý jáne paıdalaný erejesin bekitý týraly» Qazaqstan Respýblıkasy Úkimetiniń 2007 jylǵy 27 sáýirdegi № 343 qaýlysyna (Qazaqstan Respýblıkasynyń PÚAJ-y, 2007 j., № 13, 156-qujat) mynadaı ózgerister men tolyqtyrýlar engizilsin:
kórsetilgen qaýlymen bekitilgen Sáıkestendirý nómirleriniń ulttyq tizilimderin jasaý, júrgizý jáne paıdalaný erejesinde:
13-tarmaqtyń 2) tarmaqshasyndaǵy «ketken kezde shartty túrde alyp tastalady.» degen sózder «ketken kezde;» degen sózdermen aýystyrylyp, mynadaı mazmundaǵy 3) tarmaqshamen tolyqtyrylsyn:
«3) asyrap alynǵan bala týraly málimetter, onyń derbes derekteri ózgergen kezde bala asyrap alý týraly sot sheshimi kúshine engennen keıin shartty túrde alynyp tastalady.»;
mynadaı mazmundaǵy 13-1-tarmaqpen tolyqtyrylsyn:
«13-1. Sheteldikter men azamattyǵy joq adamdardy qaıtadan jáne odan keıin tirkeý kezinde, sondaı-aq bala asyrap alý jaramsyz dep tanylǵan jaǵdaıda, buryn qalyptastyrylgan JSN bar qujat beriledi.»;
21-tarmaqtyń birinshi abzasy mynadaı redaksııada jazylsyn:
«21. Jalpyǵa qoljetimdi bolyp tabylatyn aqparattan basqa Sáıkestendirý nómirleriniń ulttyq tizilimderinde qamtylǵan málimetter:»;
22-tarmaq mynadaı redaksııada jazylsyn:
«22. Jalpyǵa qoljetimdi aqparatty qospaǵanda, jeke nemese zańdy tulǵaǵa qatysty aqparatty jeke nemese zańdy tulǵanyń jazbasha kelisiminsiz basqa adamǵa berýge bolmaıdy.».
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
