Ant – adaldyq rýhy. Halqymyz "Anttan attaǵany – ardan attaǵany", - deıdi. Iаǵnı, adamzat normalarynyń qalyptasqan shegi ar bolsa, ony buzý opasyzdyqqa jatady. Talaı ǵasyr halqynyń erkindigin syrtqy jaýlardan qorǵaǵan Qabanbaı, Bógenbaı, Naýryzbaı syndy batyr babalarymyzdyń, keshegi fashızmniń otyn óshirgen maıdanger atalarymyzdyń amanattaǵan Otanymyzdyń táýelsizdigin qyraǵy kúzetý - eń ulyq qyzmet, mártebe.
Osynyń aıǵaǵy, búgin Qazaqstan Respýblıkasy Ulttyq ulany "Ońtústik" óńirlik qolbasshylyǵyna qarasty Baýyrjan Momyshuly atyndaǵy 28237 áskerı bólimine áskerı boryshyn óteýge kelgen 200-ge jýyqsarbaz babalarymyzdan amanat retinde mura bop qalǵan Qazaqstannyń ulan-baıtaq jeri men elin aqtyq demi qalǵansha qorǵaýǵa saltanatty túrde ant berdi. Ant rásiminde Qazaqstan Respýblıkasynyń Memlekettik Týyn kóterý mártebesi úzdik jas sarbaz Súleımenov Ydyrys Ábýbákirulyna berildi.
Ant qabyldaý rásiminde sóz alǵan 28237 áskerı bóliminiń komandıri podpolkovnık Danııar Qasymov: "Jas sarbazdar, sizder búgin Áskerı ant qabyldap, Otan qorǵaýshylardyń qataryna qosylǵaly tursyzdar. Osy ýaqyttan bastap sizderge júktelgen mindet te zor bolmaq. О́ıtkeni, Áskerı ant – áskerı ómirdiń ózgermeıtin zańy. Onda Otandy qorǵaýdyń, onyń ishinde halyqqa jáne zańdy saılanǵan Prezıdentke adal qyzmet etýdiń aıqyn belgileri bar. Áskerı ómir qanshalyqty qıyn bolǵanymen, jarǵymen belgilengen talaptardy oryndaý - paryz jáne qasıetti mindet. Sizderdiń mindetterińiz - ózderińizge júktelgen tapsyrmalardy jaýapkershilikpen oryndaý. Týǵan jerimizge ter tógip, antqa adal bolý", - dep, jas sarbazdarǵa jalyndy sózderin arnap jigerlerin janydy.
Ulttyq ulan qataryna qosylyp, Otan aldynda ant qabyldaýlarymen sarbazdardy bólim qolbasshylyǵan bólek 28237 áskerı bólimi Ardagerler keńesiniń tóraǵasy Oıshy Arynuly quttyqtap, olardy qabyldaǵan Áskerı anttaryna adal bolýlaryn, áskerı qyzmettiń qıyndyqtaryna moıymaı tabandylyqpen tótep berýge shaqyryp, boryshtaryn oıdaǵydaı ótkerip bolyp úılerine, ata-analaryna aman-esen oralýlaryn tiledi jáne Ulttyq ulan qatarynda áskerı boryshty óteý zor maqtanysh ekendigin atap ótti.
Bul Ant qabyldaý rásimi burynǵydan erekshe ótti, óıtkeni álemde beleń alǵan Koronavırýs indetiniń Qazaqstan aýmaǵyna da taralýyna baılanysty, bólim jeke quramynyń arasynda indettiń taralýyn boldyrmaý jáne onyń aldyn alý maqsatynda jas sarbazdardyń ata-analary uldarynyń ant qabyldaý rásimin 28237 áskerı bóliminiń resmı "Instagramm" áleýmettik paraqshasynda onlaın rejımde tamashalady.
Ant qabyldap, Ulttyq ulannyń naǵyz sarbazdary atanǵan jas jaýyngerler aldaǵy ýaqytta Keńes Odaǵynyń batyry Baýyrjan Momyshulynyń esimin ıelenetin áskerı bólim jeke quramynyń sapyndarespýblıka kólemindegi azamattyq qorǵanys salasyndaǵy tótenshe jaǵdaılardyń saldaryn joıý jáne apat bolǵan jerlerde qutqarý jumystaryn júrgizý boıynsha túrli mindetterdiy oryndaıtyn bolady.
