Alaıda, turǵyndardyń tártibi, túrli máseleler de qazirgi kezde jiti qadaǵalanýda. Osyǵan oraı, Taraz qalasynda qylmystyń aldyn alý jáne eskertý maqsatynda jedel aldyn alý is-sharasy óttti. Oǵan 140-tan astam polısııa qyzmetkeri qatysty.
Tekserý jumystary barysynda "Shóldala" ıininde ornalasqan 29 úı qamtylyp, 76 adamǵa daktıloskopııalyq tirkeý júrgizilgen. Jambyl oblystyq Polısııa departamentiniń málimetinshe, tekserý barysynda bir táýlikte 41 ákimshilik-quqyqbuzýshylyq anyqtalǵan. Onyń ishinde alkogoldik ishimdikterdi ishý nemese qoǵamdyq oryndarǵa mas kúıinde kelý, qalalar men eldimekenderdiń aýmaqtaryn abattandyrý erejelerin buzý, sondaı-aq, ınfraqurylym nysandaryn buzý, qala men eldimekenderdiń jasyl jelekterin joıý jáne búldirý sııaqty zańbuzýshylyqtar bar.
Sonymen qatar, 12 qarý ıesi tekserilip, 2 adamǵa qatysty qarýdy saqtaý jáne tirkeý tártibin buzǵany úshin ákimshilik hattamalar toltyrylǵan. Esepte turǵan 73 adam tekserilgen. Sondaı-aq, turǵyndarmen urlyqtyń aldyn alý, mal jaıý erejesi, balalar qylmysynyń aldyn alý, sondaı-aq, sý aıdyndarynda shomylý máseleleri boıynsha da profılaktıkalyq baǵyttaǵy eskertý jumystary júrgizilgen.
Jambyl oblysy
