40 obektige az mólsherdegi zaqym kelgen, qalǵan 11-i ortasha jáne tórteýi qatty zardap shekken. Sonyń ishinde birneshe murajaı, sobor, hramdar men arheologııalyq aımaqtar kiredi.
Budan bólek, jer silkinisiniń epısentri Oahaka shtatyndaǵy Krýzesıt qalasynan ońtústikke qaraı 23 shaqyrym jerde boldy. Ulttyq seısmologııalyq qyzmettiń málimeti boıynsha, jergilikti ýaqyt boıynsha 14.30-ǵa deıin 447 qaıtalanǵan silkinister tirkelgen. Olardyń eń qýattysy 4,6 ball bolǵan.
Jer silkinisi eldiń 11 shtatynda sezildi, sonyń on shaqtysy − Chıapas, Gerrero, Morelos, Tabasko, Verakrýs, Pýebla, Mıchoakan, Tlaskala, Hıdalgo jáne Mehıko sııaqty qalalary aıtarlyqtaı zardap shekken joq.
Sonymen birge Azamattyq qorǵanystyń ulttyq basqarmasy habarlaǵandaı, 30 adam túrli jaraqat alǵan. Sońǵy málimetter boıynsha jer silkinisi saldarynan alty adam qaza tapqan. Barlyq ólim-jitim Oahaka shtatynda tirkelgen.
