Týystarynyń aıtýynsha, 59 jastaǵy jýrnalıst ókpesi qabynyp ótken aptanyń basynda Nur-Sultan qalasyndaǵy aýrýhanalardyń birinde emdelgen. Búgin, 29 maýsym kúni kóz jumǵany belgili boldy.
Aıta keteıik, Qýandyq Shamahaıuly - Maǵjan Jumabaev atyndaǵy syılyqtyń laýreaty. 1993 jyly Monǵolııa jazýshylar odaǵyna múshelikke ótken. Túrik jazýshysy Ázız Nesınniń, qazaq jazýshylary: Oralhan Bókeıdiń, Berdibek Soqpaqbaevtyń, Tólegen Qajybaevtyń, Gúlzat Shoıbekovanyń jáne monǵolııalyq qazaq qalamgerler: Kákeı Jańjýńulynyń, Bataı Maqabylulynyń shyǵarmalaryn monǵol tiline aýdarǵan. Sonymen qatar bir top monǵol satırıkteriniń týyndylaryn qazaqshaǵa tárjimalap Baıan-О́lgııde jeke kitap etip bastyrǵan.
Qazaq jáne monǵol baspasózinde alpystan astam áńgimesi jaryq kórgen. Aýdarmashy osy jınaqta Monǵolııa jazýshylarynyń jıyrma shaqty áńgime, povesteri men bir shaǵyn romanyn túpnusqadan tikeleı aýdaryp, qazaq oqyrmandaryna usynǵan.
