Aımaqta "Aqsý-Qabylsaı-Qaıtpas-Qalalyq qoqys orny" jolynyń 10-18 shaqyrymy, "Derbisek-Saryaǵash" avtomobıl jolynyń 18,5-20 shaqyrymy qaıta jańartý jumystarynan ótip, Túrkistan qalasynyń halyqaralyq áýejaıyna aparatyn jolda ınjenerlik jelilerdi tartý jumystary júrgiziletin bolady.
Sonymen qatar, jergilikti bıýdjet esebinen Keles ózeni arqyly ótetin kópirdiń qurylysy jáne Túrkistan qalasyndaǵy J. Maıkótov kóshesi men "Batys Eýropa – Batys Qazaqstan" dálizi arasyndaǵy avtomobıl jolynyń qurylysy júrgizilýde. Sondaı-aq, oblystyń Ordabasy, Túlkibas, Qazyǵurt jáne Shardara aýdandaryndaǵy joldar kúrdeli jáne ortasha jóndeýden ótedi dep kútilýde.
Aıta ketý kerek, óńirde "Aýyl-el besigi" memlekettik baǵdarlamasy belsendi túrde júzege asyrylýda. Baǵdarlama aıasynda joldardyń 304 ýchaskesi jóndelip jatyr. Al "Bıznestiń jol kartasy 2020" aıasynda avtomobıl joldary salasynda 84 joba júzege asyrylýda.
Eske salaıyq, Túrkistan oblysyndaǵy joldar men kóshelerdiń jalpy uzyndyǵy 16,5 myń shaqyrymdy quraıdy. Jaqsy jáne qanaǵattandyrarlyq jaǵdaıdaǵy jergilikti mańyzy bar joldardyń úlesi – 74,1%. 2020 jyly atqarylǵan jumystardyń nátıjesinde bul kórsetkish 6,5% arttyrylatyn bolady.
